YESAYA 4:2 - ALLAH NIHYET MEM TUNGWATU NYA

² Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 4:2 ပူးပေါင်းရင်းမြစ်များ

MAZMUR 67:6

Dijoi sut gima tungwatu dihyeisi dini inggei sut Na di tuhan ba, yahagom inggei sut Na.

MAZMUR 72:16

Abindei ba, ig gudan ei nide dihyei nisurti-nipekti hagom mpung tut gandum ba, miai nya ngat ningat mang bibor bidem nungug tou nya hagom. Abindei ba, dihyei bon ninnumti di kei bibor dem kep nok nungug Libanon ninda dip nya. Asindui sut ba, nide limwa nya idigek kep mpia dem kep nok minta di kieng kep dumti.

NEHEI LEUSI 28:2

Ma anap sinsun imam mem Harun bijuk leu binhyepo bindei ba, ninyeng jei bou tungwatu igyai him.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 26:1

Mpe dima kwei ne timiei Yehuda nya di ingat rin mipai doia dini. “Mei, ide minu ndig dini sindem bibor! Allah Nonti rino win tentara nibousi di igyai coi nya ba, ingwes ngun eisi.

YESAYA 27:6

Mben Israel midem kep biei di nigau huk dihyeiti di ndig nut cem ba, ningat mikieng kep dihyeisi dini ninjek dip mem nijam gima kwei.

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

YESAYA 45:8

Tirigi ahwen ade siceu nya bitimek bingwig lene gima noyam kin biget di mbras kwei leu mpia-bbed him lene dihyei dini cigit ba, bindei hei ningon sren-srausi kin nibong kei nigwam keisi bikui mpia tereu nok dihyei ninnumti kin nitou nikiengti. Da di tuhan dibindei ba, mun dini hagom mipek kep.”

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 61:11

tuhan Allah Di Sindem Bibor mibindei ba, niteu leu sisarti mehei ei dihyeisi dini dem kep nok njita kioi apino ngkiai nya yahagom minggei sut Noni.”

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

YEREMIA 33:15

Mpe dima lene didimig tungwagom di ningon sren di ntun Daud him ei mem gima kui bigwam nok nibou ndig. Nibou ndig dima mibindei mbut ningon gomti kin niyai mun igbitti bidem minu nisurti-nipekti.

YEREMIA 44:14

Timiei Yehuda niken-ken di igyaijo nya di yuug bong ei minu Mesir hi dima ningwes ngun ba, niyaijo cem bi. Mbro nok gino yahagom igyok ingon mem gima ingkwei hanyen ug ei itimieisi ei Yehuda lo, ingkwei hanyen bi sren. Ibou poi di ingkwei hanyen rino yo di inang bipri bibie.”

YEREMIA 44:28

Ibou poi he rima ingwes ngun bingkwei hanyen leu minu Mesir kwei ei minu Yehuda. Lene timiei Yehuda nya di ingat rin ei minu Mesir yahagom mingon hukti tut tou rino nihyet pek kep mem yok i? Danti dihyet e, he yoni ighyet e?

YEHEZKIEL 34:29

Midibindei ide beisi nya hagom nnum kei apino bed di biang ninggum mitau kep yok ba, mben ngkiai nya ingwes moom kep yok bu bi sren.

YEHEZKIEL 36:8

Noro nungug Israel jen e, dipai bije bipia jide biei nya nuug mitug ninda-nda nya bingat ningat hanyen bu mem je di Ditde mben Israel. Jei bi ne mijingkwei hanyen ri.

YEHEZKIEL 7:16

Bihi mingwes ngun binang ug ei nungug him. Yoni mingat rin ei nungug him bidem kep hakimoi nya di tungwatu yuhuk yok leu mbang briep nya. Yahagom milua drek dip ide sisar.

YOEL 2:32

Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

MALEAKHI 3:17

tuhan Di Sindem Bibor pai “Yo dima ne Ditde limwa nya ri. Dinyeng tut yok mem njap di dikos tut ei mem yok tu. Dingondut yok dem kep andigpoi di ngondut nipmot di ba nibou coi mem noni.

MATIUS 24:22

Gino Allah mikos nijam dima nijeisi leu bi lene bit bon tungwatu nya bihi ingwes ngun kan bi. Noro Noni mikos nijam dima nijeisi leu mem Nide limwa nya.

LUKAS 21:36

Gima rino ma jiyai ngkiem bijingat nadi bidem nituti kin nikwesti hagom leu binhyepo jiyai nisindemti. Leu binhyepo mbro nok gino mun di cut igkep je buhun bibor lo, jiba ningwes ngun biya ei Munggwom Tungwatu Nipmot Noho bei.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

PETRUS GI NICAN 1:16

Tirigi ningginau je tut Tuhan Yesus Kristus nikwei hanyenti di bon ninyeng mem nye ne nindat kep mumpui di tungwatu nya itri tut bi. Noro ningat Kristus nikei-kau-keisi bou niyai him tu.