YESAYA 4:1 - ALLAH NIHYET MEM TUNGWATU NYA

¹ Mpe dima lene sop ibou muhwindacan mindun pinai gom ninda him bipai bak “Ma asindui sut ba, nijem na nok nyeni nijjep leu binhyepo nigwam nimmaiti drek dip gi niwak nijjep hi bigyo bi. Noro njita kin sinsun nibok ne gima tug hon nyenti.”

YESAYA 4:1 ပူးပေါင်းရင်းမြစ်များ

NITRITI 30:23

Lene Rahel tta buhun bigwam tut nipmot lene kan “Allah ciu ser mun di bindei nim kep sa bingwig leu sa tu.

SAMUEL GI NICAN 6:23

Lene Mikhal di Saul nipmisop pima pijet drek dip kikau ug bipek niyaijo ningwig honti.

YESAYA 10:20

Njap ngon bou midem leu api mben Israel niken-ken di ingwes ngun nya iba ingon com mben ngkiai di inyeng jei di mbigom mibindei sar yok ningwig bu bi. Noro iba ingon com tuhan di mben Israel ide Allah di kwes-kwau a.

YESAYA 13:12

Yo di ingwes ngun nya poi mien bibor. Yoni poi mien he ritereu nok mas di pimbai kei a.

YESAYA 17:7

Njap dima dem lene tungwatu mingkwei biyahara bak No Di Pai Tes yoni di Allah Israel di kwes-kwau bimpu yok.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 3:6

Mpe dima dem ne tungwatu nya mindo ide adig-ajoi gom bipai bak “Nangkom he rino ajuk sinsun di tot na. Gima rino nita na ba, anok nibou di bie tut nye mem nijam di nggruk dini.”

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YEREMIA 15:8

Jide minu dima mpung tut kibom nya ba, imangti dor njiriek iggum di jo muk nipimat nimangti. Diyai nimai bak jide pinai pilei nya bimai hanyen ei ipilei yo apino ipmem bat nya ingon ngguk tut yok. Dibindei ba, nihwen mun cig gom hwen yok mem mpia njap apino ittin ba, ingon digit bibor.

LUKAS 1:25

Noni kan “Cobi! Allah ngondut sa biciu ser gi po simmai sut santi bou tungwatu nya igyai him pima leu sa tu!”

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

TESALONIKA GI NICAN 3:12

Niba Tuhan Yesus Kristus ninyeng bicuk yo dima leu binhyepo idimig ide niyaijoti bikimus ba, inda jo kep ide midyai hak tut inghopti cem.

SAMUEL GI NIGOM 1:6

Gima rino Penina di Elkana nitnem ndig hwen bit Hana binim kep noni leu gipo tuhan bindei ba, noni pijet yo.