YESAYA 39:2 - ALLAH NIHYET MEM TUNGWATU NYA

² Hizkia ba ningon di kei bicigit yo dima kui ig nibou ndig lene bindo nide mun di nyeng tut nya hagom titut yam biyok. Gima ne mas kin perak kin biei ngat di ui-gwang kei kin mini ibou di ui-gwang kei kin nide nimbumbati di mem nibikon pranti nya hagom ri. Noni ndo mun nyeng di nju ei ig nibou ndig di nyeng tut nya hagom biyok.

YESAYA 39:2 ပူးပေါင်းရင်းမြစ်များ

NIBOHON MBEN ISRAEL GI NICAN 32:31

Mpe di nibou mben Babel nya ipinak ibou poi kwei mem gima ihig ser Hizkia tut bindo di mindur pima lene tuhan sindui sut ba, Hizkia buhup bit leu nonti ningon kanti. Tug hon nisinati dima lene tuhan bingon Hizkia ningonti.

NIBOHON MBEN ISRAEL GI NICAN 32:25

Noro noni gijem sigyo hanyen bak tuhan tut ginjei mun di kei bak dima bi lewo ningon jei. Gima rino tuhan ningon sibui sut timiei Yehuda kin Yerusalem nya.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

AYUB 31:25

Dingon jei sut ndigban kin mitiei di dinyeng tut nya bi sren.

KORINTUS GI NICAN 12:7

Noro mun di biyai dinghuisi wei cut igkep da ser nhyema dingon jei drek dip mun di mipbor ngat di dingat bou diyai him au. Mun di bindei di dinghuisi wei tereu nok Bilis de awak di hwen bit da ser nhyema dingon jei au.

NIBA NINGON SRIP HUKTI 7:20

Hi di kei-kau-kei ei dihyeisi dini bi. Hi di bon mun di kei kikau di bon sisar bi ningat rin bi sren.

NIPINGOK NINGONTI 4:23

Ma anyohou ya ser angonti lewo angonti rino bindo tut puig di ayaijoti mbut kak.

NIBOHON MBEN ISRAEL GI NICAN 32:27

Nibou Ndig Hizkia nyeng tut ndigban nindig bibor ba, tungwatu nya yahagom ibou cut bak. Noni tap ninsi mang-mang mem gima nju ndigban nide di nok mas kin perak kin tig permata nya kin biei ngat di ui-gwang kei kin mun di ibipukep siceu ide minggwen nya kin ndigban di nibok kak nindigsi nya cem eisi.

NIBOHON MBEN ISRAEL GI NICAN 9:9

Leu api Nibou Ndig Sop mben Syeba njei ndigban ngot di kei di ttei kwei nya hagom bak Salomo. Ndigban ngot di njei bak Salomo dima ne mas kilo sribu bitai binjiriek kin tig permata kin biei ngat di ui-gwang kei nindig bibor cem. Hon kep njap dima ne hi yai biei ngat di ui-gwang kei bibor bak Salomo noyam kin gi hi di Nibou Ndig Sop mben Syeba yai binoni dima bi sren. (

NIBOHON MBEN ISRAEL GI NICAN 9:1

Nibou Ndig Sop mben Syeba miap tut Salomo ninyeng jeisi. Apino jo leu nide minu kwei ei minu ndig Yerusalem. Tirigi kwei krau minu ndig Yerusalem tu lene tin ei ningonti mem gima bingon Salomo tug hon gi hig ser noni tut mun di nggruk bibor nya. Noni kwei sut nide awak di igya kui noni di injei bit nya nipmem ngat binju biei ngat di ui-gwang kei nya kin tig permata kin mas mang bibor bikon ei unta di ijem nya dip bimpung kei. Tirigi Nibou Ndig Sop dima kwei um Salomo lene hig ser noni tut mun nyeng mang bibor pima hagom.

NIBOU NDIG NYA GI NICAN 20:13

Hizkia cigit yok kwei dima lene ndo nide mun di nyeng tut nya hagom biyok. Mun di nyeng tut di ndo biyok nya rino mas kin perak kin biei ngat di ui-gwang kei nya kin mun di ibindei njita nyop kei nya kin minggwen di tentara ide nya hagom. Nibou Ndig Hizkia giku mun nyeng gom leu ndigban di jo ei nide ig nibou ndig kin gi jo bidem nide minu ninyeng tak kepti cem leu yok bi. Noro ndo hagom biyok.

NIBOU NDIG NYA GI NIGOM 10:25

Bikwop yo di ikwei ngat noni ne yahagom ipwoi munkwas bikwei sut mem gima igyai bak noni. Gima ne mun di iba perak kin mas bibon kin sinsun ndok di jei kin minggwen kin biei ngat di ui-gwang kin kuda nya kin mindhe bagal nya bikwop ari bingwam nok.

NIBOU NDIG NYA GI NIGOM 10:15

Gima ter leu belasten di noni tug ndei leu nitri-nipek mun cig nya kin nibou ndig ngkiai di mben Arab nya kin nibou nya di inyeng tak kep mben Israel de hanjop nsi nya yahagom ikwas tut noni.

NIBOU NDIG NYA GI NIGOM 10:10

Lene nibou ndig sop leu minu Syeba hit mun di kei di noni pwoi kwei mem Salomo nok mas di nibuhunti kilo sribu bitai kin tig permata kin biei ngat di ui-gwang nindig bibor. Hon kep njap dima kui ne hi yai biei ngat di ui-gwang di nindig bibor bak Salomo noyam kin gi hi di nibou ndig sop leu minu Syeba yai binoni bi sren. (

NIBOU NDIG NYA GI NIGOM 10:2

Noni hei sut nide awak di igya kui noni imang bibor. Yoni ipwoi biei ngat nya di ui-gwang kin tig permata kin mas mang bibor bikon hagom ei unta di ijem kwei nya dip. Tirigi noni kwei krau ba, Salomo ya um tu lene noni ba nihyet nibiti ninda bisigbou Salomo tut mun nyeng hagom bit leu ningon kanti.

YOHANES GI NIGOM 1:8

Gino ipai sisar hi ntun nye him bi ne gima nok iris nyenti ba, Allah ningat rin ei ingonti bi.