YESAYA 38:3 - ALLAH NIHYET MEM TUNGWATU NYA

³ “tuhan e, ma ayok ngon kep bipia diba dingon gom boom danti nok awak biNa ba, dingon sren cem tu. Dibrim dingkek mem gima dibit angon kanti tu.” Leu api Hizkia ba ningon di ngguk bibor bipim nggruet.

YESAYA 38:3 ပူးပေါင်းရင်းမြစ်များ

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

NEHEMIA 13:14

Lene dingat nadi “Ditde Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 5:19

Allah e, handei kon ba, ayok ngon kep mun di dibon mem limwa dini yok ba, anjei mun di kei bida drek dip.

NINDAT KEP TUHAN NICUKTI NYA 6:18

Gino jiyai igbit nicuk jeti nya di kei bibor ba, sren kei cem lene mijibong kei jigwam kei leu api mijiyai nisindemti mem gima jikieng kep minu di bon ninnumti po Noni preu sut ei mem jidigup bat-jidigai bat nya pima.

MAZMUR 6:8

Ditde siceu di iba nitok bida nya ibindei ba, dingon ngguk kikau apino diyai cem dindi ba, piga haigtu bi a.

NIBOHON MBEN ISRAEL GI NIGOM 29:19

Abindei ba, dipmot Salomo miba ningon di joi bibor bita nibou ei midyai diniti bibit Ade nicukti nya hagom leu binhyepo ba nimbumbati di ditin ei su nya bingot Ig nibikuk no bak Nani eisi.”

HOSEA 12:4

Ide pung Yakub di intun him ba no dek Esau munggwom nggre ba, hei bibie leu nipmem ninghopti. Tirigi Yakub mahan tu lene noni kin Allah idahat kukwei yam.

MAZMUR 119:80

Abindei ba, dingonti kriek leu Ade nimbrap tutti nya bi leu binhyepo diyai nimmai bi.

MAZMUR 102:9

Siceu nya iba ighyet bicig da ei njap jei ba, yo di igga da iba dinyeng bisigion yam.

MAZMUR 32:2

Bikwop yo di ibon sisar lo, tuhan yok ngon kep ide sisar bu bi lene yo dima ingon nggei-hi-nggei lewo iba ingon can biris ei hiterti bu bi.

MAZMUR 101:2

Midiyok diyai kep diyaijoti leu binhyepo mun di suwok rap bi. Akwei ngat da apig bu i? Midiba dingon di kwes biyai mun ei ditde ig.

MAZMUR 26:3

Diyok ngon kep angon ngakei dati bidingon gom tut Na kikau.

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

EZRA 10:1

Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

NIBOHON MBEN ISRAEL GI NICAN 25:2

Amazia ba ningon di can bibon mun bipwoi tuhan ningon haigtu bi.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

NIBOHON MBEN ISRAEL GI NIGOM 29:9

Limwa nya ikwas mun mikuisi tut tuhan lene hi bidip huk yok bi. Apino ingon nggei-hi-nggei lewo ikwas mun nyeng mang bibor tu. Nibou Ndig Daud cem ningon nggei-hi-nggei.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

NIBOU NDIG NYA GI NIGOM 15:14

Mbro nok gino Asa cok tut mpia di ikuk yo bak kwar nya eisi hagom bi lo, noni ba ningon di gom bibit tuhan nihyet kikau buug bimai kep.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

MAZMUR 6:6

Lewo yo di ibong ei minu nimai nya ide igyok ngon kep Nani bu bi. Hi dima nggei sut Nani ei yo di imai nya idihyei cem bi.

YESAYA 38:2

Lene Hizkia ba noho rok dring leu api ngat nadi bipai,

YESAYA 38:4

Tirigi Yesaya ug leu su lene tuhan cuk noni,

NIBOU NDIG NYA GI NICAN 18:3

Hizkia bon mun nyeng di bipwoi tuhan ningon noyam kin nidigai Nibou Ndig Daud.