YESAYA 38:1 - ALLAH NIHYET MEM TUNGWATU NYA

¹ Ei nijam dima ne Hizkia cut ei ninggwenti ba, mbigom kin bu mimai. Lene Nabi Yesaya di Amos nipmot ug ngat bipai bak “tuhan sok kwei mem na leu binhyepo Na Di Anyeng Jei aba ahyet bikwas mun di anyeng tak kep nya hagom lewo Na Di Anyeng Jei ma akei hanyen bi. Jei bi ne amai.”

YESAYA 38:1 ပူးပေါင်းရင်းမြစ်များ

NIBOHON MBEN ISRAEL GI NICAN 32:24

Ei nijam dima ne Nibou Ndig Hizkia cut ei ninggwenti di bindei ba, niwei-nidut cut igkep noni api om no ba, mbigom ma mai hak ug. Noro ngat nadi leu api tuhan yai mun di bindo bak bipia noni mikei hanyen yo.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

YUNUS 3:10

Allah ngat bou niyai him bipia igyai mun di igbit ba, ittin ser igyai munti di kinei bibor nya hagom. Gima rino Noni luei ningonti bikes hukum ei yok dip bit leu nok nikos tutti bi.

KISAH 9:37

Mpe dima lene noni nggwen bimai. Nisut bat nya ipiap ningut leu lene ikon nimai ei nghim nsi di jo ei ninsi di jo anai.

YUNUS 3:4

Yunus coi ug ei minu ndig dima bimbut nimig mem njap nitindur gom lene ya niyati bitri tut nihyet biyok bipai “Njap ningot bitai bu ne tuhan mibindei timek jide minu dini bingwig ug rin o!”

YESAYA 37:21

Leu api Yesaya sok nihyet mem Nibou Ndig Hizkia bipai bipia tuhan buhup nide nadi tu.

YESAYA 37:2

bipinak Elyakim di nok nibou mem nide ig bei nsi nya kin Sebna di nok sekertaris gi nigom kin imam di iwer andig-ndau su ibou poi ba, yahagom yuug ngat Nabi Yesaya di Amos nipmot. Yo dini cem yahagom ijuk sinsun kron noyam.

YESAYA 1:1

Srat dini pai sut Allah ningon kanti mem timiei Yehuda kin timiei minu ndig Yerusalem nya di Noni mbot kep tut bak Yesaya di nicig ninyeng Amos tirigi nibou ndig Uzia kin Yotam kin Ahas kin Hizkia nya inyeng tak kep timiei Yehuda nya.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

SAMUEL GI NICAN 12:22

Lene Daud buhup “Igbit ri. Tirigi niyaisi jo lene diyem njita bi bidipim kui jei sut. Nok lewo dikan bigya tuhan mingondut da bibindei ba, dipmot mikei hanyen.