YESAYA 32:4 - ALLAH NIHYET MEM TUNGWATU NYA

⁴ Yo po ingon cun pima inok gima bu bi noro yoom ingon ba, nggriu. Yo po yuhui buwei pima inok gima bu bi noro iji ngkiem.

YESAYA 32:4 ပူးပေါင်းရင်းမြစ်များ

YESAYA 29:24

Yo di ingon mbum mipikor tut ningon di huk niti lene yo di yahara kai ningginausi bikwop nya mingon kei sut ningginausi dima.”

GALATIA 1:23

Ba, yo dima imiap tut dinghapti di hiter itri tut biyok bipai “Nipou ne noni yai ninghuisi wei binye noro tini bu ne tri tut nihyet niba ningon com Kristusti di noni srep tut ei nipou su pima.”

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

MATIUS 16:17

Yesus buhup “Simon di Yona nipmot e, angon nggei-hi-nggei lewo mun di nijit-jau di tibim leu ahui him dima ne tungwatu nya ipingok na tut bi noro Dicig ei gwamti pingok angonti tut.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

DIUN MIMUN 7:9

Ahui dem kep ba anggur ngei di nyop kei di dikum ei dihui a.” “Nna ba ba anggur ngei dima biam ninyen bak no di dingon ngakei biwin ningut kanti hak ug. Ba, biam nok gima ug ei no di bong mai ninsi a.

NEHEI LEUSI 4:11

Lene tuhan buhup “Tou ripai tes tungwatu nya yuhui i? Tou ribindei dino tungwatu nya itingou nam ba, ibbwe cem i? Tou ribindei dino tungwatu nya igyai piga ba, igyai tu cem i? Da di tuhan diyai mun dima yok hagom kan.

YESAYA 35:4

Ma jipai bak yo di ingon ttin nya “Ma jiwin jenti jingonti lene ma jittin-ttin nyen au. Allah mikwei kes hukum ei jide siceu nya dip ba, teu je bijingwes ngun.”

YESAYA 35:5

Mpe dima lene yo di igyai tu nya migyai da ba, mingat mun nyeng hagom bou igyai him lene yo di itingou nam nya itingou tu hanyen.