YESAYA 3:9 - ALLAH NIHYET MEM TUNGWATU NYA

⁹ Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

YESAYA 3:9 ပူးပေါင်းရင်းမြစ်များ

NITRITI 13:13

Mpe dima lene timiei minu ndig Sodom nya imbuk bibor ba, ibon sisar tut tuhan.

NITRITI 19:34

Njap di hyep bu lene nipmisop mighumbou pai bak nikinjoi “Himmun di aponi dibong bit arig tu! Akwei ba, ariman mmun lene ma sibindei arig bidut ba anggur ngei di pu no hanyen bu leu api abong gom bit noni. Apino sahacem sigwam tut simunggwom hi bintun arig him.”

NITRITI 4:5

Noro Noni rok Kain tut nide mun di kwas. Apino Kain ningon sibui nindig bibor binghek.

NIBOU NDIG NYA GI NICAN 9:30

Lene Yehu ug krau Yizreel. Tirigi Izebel miap tut mun di cut igkep Ahazia nya pima tu lene pri nibou ba, ba buk bidip niyai nggrop cem leu api su nibou ei kendera mihyeti ei ig nibou ndig bimian ser nimo jug.

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.

NIPINGOK NINGONTI 15:32

No di kou sut nipingok ningonti bimangkrei nonti niyaisi. No di joi sut nisok kep noti ne bikum ei ningon kiti.

NIPINGOK NINGONTI 30:13

Tungwatu nya bihi ikan bipia yoni ne ikei-kau-kei. Mei! Ingon jo kep ide nikei-kau-keisi!

NIPINGOK NINGONTI 8:36

Tungwa tou rino tau kep da bi mibimangkrei nonti niyaijoti. No di ningon mpo tut da ningon ngakei nimai.”

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YESAYA 3:16

tuhan pai “Sop minu ndig Yerusalem nya ikon yonti bibor! Inggei-nggwang ba, ikek igyai igkei cem. Iba inggei bicom imig ba, srak di ikes ei imig hwen yam binggileng cem.

YESAYA 57:20

Noro yo di isibut nya idem kep muk di roi kikau ba, bit bon ntus hanyen kan bi. Ningwa dip di roi ug-roi kwei dima ttei mumpiang kin igkrop.

YESAYA 59:12

Ningat ne nibon mun di kinei mang bibor tut Na tu. Nyende sisar nya pai kep nye ba, ninok yo di igyai mun tunggwei ninyen. Ningon huk niti tut nyende nibon mun kineisi nok nijit binikan tut nyende sisar nya tu.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 3:3

Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.

YEREMIA 6:15

Ningat ne ma suar immai sut gi ibon mun di kinei bibor dima. Noro ingkek ndok ba, immai sut yonti kan bi. Gima rino yoni mimai nok nimbiam noyam kin nindigsi nya. Tirigi dikes hukum ei yok dip ne igyaijoti mingwig hon. Da di tuhan disimbot dat tu.”

YEREMIA 8:12

Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 16:30

tuhan Di Ninyeng Jei pai “Abon munti dima yok hagom dem kep sop sundal di bit bon kan tut nimmai sut nonti kan bi.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

YEHEZKIEL 23:16

Tirigi Oholiba ngat yo dima ingwes lene ningon pri kep bibor bipinak srat nibijem tentara dima yok kwei leu minu Babel ba,

DANIEL 7:20

Lene dijoi sut dikan tut nibou nggai simnai di ntun him kin nibou nggai mien di ntun him bu di bindei ba, nibou nggai nindigsi nya ningat ningai hom bingwig leu pima. Lewo nibou nggai mien bon niyai kin nuhui noyam kin tungwatu ba, ningon jei binggei-nggwang tut nonti nindig bibor. Nibou nggai nimien dima bindei ba, dingon ttin bibor.

HOSEA 13:9

Je di mben Israel e, midibindei ba, jitimek bijingwig! Lene tou rikwei mpu je i?

HOSEA 5:5

Ingon di jei bibor jo nibreisi bou diyai him nok mun di bindo tut igyai munti di kinei bibor nya. Ide sisar bindei ba, icut leu api mben Yehuda icut bram yok bu cem.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

NINGAT-HI-NGAT NYA 11:8

imai leu api ingut mijo sinsiou kak simpak ei minu ndig di ide Tuhan mai ei biei salibti nipou su. Minu ndig dima ninyeng nibiti nindati ne minu ndig Sodom kin Mesir.

SAMUEL GI NIGOM 15:32

Lene Samuel cuk tentara nya bipia ikat Agag kwei ya ei noho bei. Lene Agag ba ninghuisi di mpig sut bikwei ya ei Samuel noho bei bikan “Misingwes ngun leu hukum ug ri.”