YESAYA 3:5 - ALLAH NIHYET MEM TUNGWATU NYA

⁵ Tungwatu nya yonti mico kep yam nyen. Pilei nya igimiap ndigpoi nya ighyet bi lene nikinei-kinau nya igikuk yok bak ndigpoi ndig nya ba, igibit ighyet bi.

YESAYA 3:5 ပူးပေါင်းရင်းမြစ်များ

NIBOU NDIG NYA GI NICAN 2:23

Tirigi Elisa jo leu minu ndig Yerikho buug ei minu ndig Betel lene munggwom pinai nya nimpung gom yehei leu minu ndig gom ei puig sinon lene iba Elisa bikek. Yoni isrep huk noni “He na di abou le e, na di abou le e, ma aug leu mpia dini hak ug!”

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 11:13

Minu Israel ningon mikinei sut minu Yehuda bi, Minu Yehuda miba nitok bak minu Israel bu bi.

YESAYA 19:2

tuhan pai “Midibindei kiju pran adig-ajoi ei minu Mesir ba, adig-ajoi nya mihwen yam. Yo di ninttig-tta nya cem mihwen yam ba, minu ndig mihwen bit minu ndig. Nibou di inyeng tak kep nya mihwen nibou di inyeng tak kep nya.

YESAYA 9:18

tuhan Di Sindem Bibor gga bibor ba, Nide hukum dem kep nok hum di cig-cai ba, Nide limwa nya rinok war nggig-nggwen di hum yem ningwig a. Hi di ngondut nide adig-ajoi bi.

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

IMAM NYA IDE MIDYAI 19:32

Suar jibou cut bak andigpoi nya bijikon inyenga. Suar jikuk je biDa ba, jingon digit tut Da lewo Dani ne tuhan bidinok jide Allah ri.

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 26:67

Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni,

MARKUS 14:65

Lene ibihi itrai ndei Noni leu api iba sinsun ninghas binggai kep niyai lene ibui Noni. Leu api icuk “Ando igbit no di bui Na i.” Ba, yo di igya ser Tuhan De Ig ittem nijap bu.

LUKAS 22:64

Iba sinsun ninghas binggai kep niyai leu api icuk “Ando igbit no di bui Na i!”

YAKOBUS 2:6

Noro jeni rino jico kep nuhwap mbum nya lo, yo di inyeng nya ico kep je bikri je ug ei nikei noho bei cem!

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.