YESAYA 3:4 - ALLAH NIHYET MEM TUNGWATU NYA

⁴ Leu api Noni misindui sut ba, pinai pilei di imahan bigyo nya inok nibou di ibie tut limwa nya.

YESAYA 3:4 ပူးပေါင်းရင်းမြစ်များ

NIBOHON MBEN ISRAEL GI NICAN 33:1

Tirigi Manasye kui bigwam nok nibou ndig mem timiei Yehuda nya lene nide njap ug ei ari bingwam simnaibrimigcan tu ba, ninyeng tak kep timiei Yehuda nya kikau mem nijam ari bingwam ningot muhwi ba, muhwi ei minu ndig Yerusalem.

NIBOHON MBEN ISRAEL GI NICAN 34:1

Yosia kui bigwam nok nibou ndig ei mpe di po nide njap ug ei ari bingwam muhwindaningai tu ba, ninyeng tak kep timiei Yehuda nya ug ei ari bingwam ningot ningai ba, gom ei minu ndig Yerusalem.

NIBOHON MBEN ISRAEL GI NICAN 36:11

Tirigi Zedekia kui bigwam nok nibou ndig mem timiei Yehuda nya dima ne nide njap ug ei ari bingwam nyatungwagom ba, gom. Ninyeng tak kep ug ei ari bingwam simnaibrimiggom ei minu ndig Yerusalem.

NIBOHON MBEN ISRAEL GI NICAN 36:2

Tirigi Yoahas kui bigwam nok nibou ndig dima ne nide njap ug ei ari bingwam nyatungwagom ba, ningai ba, ninyeng tak kep timiei Yehuda nya mem bed nitindur ningai ei minu ndig Yerusalem.

NIBOHON MBEN ISRAEL GI NICAN 36:5

Tirigi Yoyakim kui di gwam nok nibou ndig mem timiei Yehuda nya dima ne nide njap ug ei ari bingwam nyatungwagom ba, muhwi. Ninyeng tak kep timiei Yehuda nya ug ei ari bingwam simnaibrimiggom ei minu ndig Yerusalem. Noro bon sisar tut nide tuhan Allah.

NIBOHON MBEN ISRAEL GI NICAN 36:9

Tirigi Yoyakhin kui bigwam nok nibou ndig mem timiei Yehuda nya ne nide njap ug ei ari bingwam simnaimuhwidip brimigtehiningai. Ninyeng tak kep timiei Yehuda nya ug ei bed nitindur ningai ba, njap simnai ei minu ndig Yerusalem. Noni cem bon sisar tut tuhan.

NIBA NINGON SRIP HUKTI 10:16

Ayo! Buhun mem minu di bon nide nibou ndig di pinjoi pilei he di nide nibou di igya kui noni ibon pesta bijo kikau ug bipek njap kep.

YESAYA 3:12

Nipos mitiei cig nya mico kep ditde limwa nya ba, inok adrom di muhun Ditde limwa nya inggrom leu yok.” Ditde limwa jen e, nibou nya ico kep je bibindei srawir je apino jingon kiowi tut puig di kei mem je.

YESAYA 3:16

tuhan pai “Sop minu ndig Yerusalem nya ikon yonti bibor! Inggei-nggwang ba, ikek igyai igkei cem. Iba inggei bicom imig ba, srak di ikes ei imig hwen yam binggileng cem.

YESAYA 3:3

kin mimbri kui ningkek cig nya kin ndigpoi di inyeng jei nya kin yo di igya kui nibou ndig nya kin tungwatu di nung kui yok nya kin yo di iba ide ninda dutti bibindei ba, mun nyeng hi pek kep mem tungwatu nya yahagom bicom yok ei minu ting leu itimieisi.

YEREMIA 52:3

Gima rino tuhan ningon sibui sut timiei minu ndig Yerusalem kin timiei Yehuda nya nindig bibor bijji yok lene gi nyohou yok bu bi. Mpe dima lene Zedekia ham nimbuk kep Nebukadnezar di nok nibou ndig mem minu Babel.