YESAYA 3:3 - ALLAH NIHYET MEM TUNGWATU NYA

³ kin mimbri kui ningkek cig nya kin ndigpoi di inyeng jei nya kin yo di igya kui nibou ndig nya kin tungwatu di nung kui yok nya kin yo di iba ide ninda dutti bibindei ba, mun nyeng hi pek kep mem tungwatu nya yahagom bicom yok ei minu ting leu itimieisi.

YESAYA 3:3 ပူးပေါင်းရင်းမြစ်များ

AYUB 22:8

Aba ade ninyeng jeisi kin ade nisindemti bipos dihyei titut yam leu binhyepo anyeng tak kep hagom.

NEHEI LEUSI 18:21

Noro ma ayai bit leu dingon kanti dini. Ma adimig pinai di ingon ki nya ibou poi leu api ata yok nok nibou mem ade limwa di imangti ibou sribu gom kin ibou sratus gom kin ibou ningot muhwi kin ibou ningot gom lene nok. Ma ata yo di ittin tut Allah bibit nihyet kin yo dino aba angon com yok kin yo di ingon ya mem gima tungwatu ingot kep yok bi cem.

NEHEI LEUSI 4:10

Noro Musa srep bipai “Tuhan e, henha nipou kikau kwei bipek tirigi ambrap bit da ammani kep lene dimbrap kan bi. Diji buhun ba, nggicai cem.”

YESAYA 3:2

pinjoi ndig nihwen kep mun cig nya kin tentara nya kin nikei nya kin nabi nya kin nimbot kep tut mun di mipek kep ei nidipti bu cig nya kin yo di ipingok yam ngonti,

YESAYA 3:4

Leu api Noni misindui sut ba, pinai pilei di imahan bigyo nya inok nibou di ibie tut limwa nya.

YESAYA 5:13

Gima rino jiyai munti dima bindei dino siceu mikat Ditde limwa di ingon hukti bi nya bikri inda bibindei ba, isima ug a. Nibou nya kin limwa nya mimai inggum kin inggobiau cem ug a.

YESAYA 9:15

Ide nibou nya ibindei srawir ide limwa nya ba, igyok nisinsiou ei yokti cem.

NINDAT KEP TUHAN NICUKTI NYA 1:15

Leu api dimbus nibou di ingon ki bibor kin gi igya hacan mem tungwatu nya igkei di jindo ei su pima ba, dita yok nok nibou nya mem je. Dita yok nok nibou mem nimpung nya di imangti ibou sribu gom kin nimpung nya di imangti ibou sratus gom kin nimpung nya di imangti ibou ningot muhwi kin nimpung nya di imangti ibou ningot gom lene nok. Lene dita nibou hiter nya mem gima igyok igyai kep jide mben nya.

NIJAM NIKEI NYA 8:18

Lene noni hig ser Zebah kin Salmuna “Yo po jiyai nimai biyok ei Tabor idat touti i?” Lene ibuhup “Yahagom idat naniti ba, inoyam kin yo di intun nibou ndig him.”

SAMUEL GI NIGOM 8:12

Noni mita bihi nok nibou mem tentara ibou sribu gom lene mita bihi nok nibou mem tentara ibou ningot muhwi. Noni mikes midyai di buhun bibor ei jipmot bat nya inghat dip. Yoni migyai kep nide miai nya bipuk nide njita ningat kwei leu beisi cem ba, ibon nide minggwen nya kin nimbumbati mem nide kroba pran cem.