YESAYA 3:10 - ALLAH NIHYET MEM TUNGWATU NYA

¹⁰ tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

YESAYA 3:10 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

MAZMUR 58:11

Yo di ingon sren nya ingon nggei-hi-nggei mpe dino ingat yo di isibut nya di itug ndei hukum. Yo di ikiek imig jou tut Allah inggrom mirus yo di ingon sren nya imigya.

NEHEI LEUSI 1:20

Gima rino Allah joi sut sop cin dima leu api mben Israel idigek bibor ba, imangti kum eisi bu.

NIPINGOK NINGONTI 10:6

No di ningon kwes kei mitug ndei ningat di kei. No di sibut pai nihyet bitak kep nisibut biborti bijo nding.

NIPINGOK NINGONTI 12:14

Bikwop tungwagom-gom tug ndei nimuhup bit leu nihyet di tibim ei nuhui him kin nide mun di bon nya. Bikwop tungwagom-gom tug ndei nimuhup di dem igbit niyai munti nya.

NIPINGOK NINGONTI 13:21

Mun di buhun bibor jop bram yo di ibon kep sisar bidem imbutti nya noro yo di ingon sren nya ima mun di bindei ba, ingon nggei-hi-nggei.

NIPINGOK NINGONTI 18:21

Idweb sindem mem gima nyohou ide niyaijoti lene, bindei ide niyaijoti kinei cem. Suar tungwatu nya ibiang ipai munti nya nibuhunti.

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YEREMIA 15:11

tuhan e, gino diyai ditde midyai nok gi kei bidimbrap gau ditde siceu nya ei Aho bei tirigi mun di buhun cut igkep yok bi lene nna ba ide nimbriomti dima cut igkep da hak ug. (

YEREMIA 21:14

Noro midikes hukum ei nani dip drek dip ade nibon munti nya. Midindig ig nibou ndig de ba, hum dima miyem mun nyeng di jo ttai nya hagom. Da di tuhan disimbot dat tu.”

YEREMIA 22:15

Na di Nibou Ndig Yoyakim e, ma amiap! Gino aba buom Libanon di kei bibor bingot ade ig nibou ndig lene gima bindo bipia nani ne nibou ndig di kei dor njiriek nibou ndig nindigsi nya rin e? Ma abisrip tut acig di ngat ningwes ei nibong kei nigwam keiti ba, ningat ntun midyai di yai nya hagom him. Lewo ningon sren kei ba, mig mbus tungwatu nya bi cem. Noni ba ningon di gom bimbus munhyet di yo di yuhui mbum ide cem. Suar ma yo di ikan tut tuhan mungkun kei igyai munti nok gima.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEHEZKIEL 18:20

No di bon sisar nongkom he rino mitug ndei nimai drek dip. Nipmot mitug midut drek dip nicig de sisar bi ba, nicig cem mitug midut drek dip nipmot de sisar bi. No di ningon kwes mitug ndei mun di kei drek dip niyai munti di kei bibor nya. No di mbuk mitug midut drek dip niyai munti di kinei bibor nya.

YEHEZKIEL 9:4

“Aug ba, aya bidem minu ndig nuhuisi nya hagom ba, akes bindo ei tungwagom-gom di ningon ngguk tut kin gi ningon buhun tut nibon munti hagom di bindei igyai ttinti di tungwatu ibon ei minu ndig dini ingwak a.”

MIKHA 7:13

Noro dihyei ninjek dip nindigsi minok iggum ndigsi bu drek dip yo di ikieng kep dihyei dima igyai munti di mbuk bibor nya.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

LUKAS 19:19

Niceu pai binoni ‘Midita na nok nibou mem minu ttou nsi muhwi.’

NINDAT KEP TUHAN NICUKTI NYA 12:25

Gino jibit tuhan nicuk jeti dini lene Noni mijoi sut je leu api jeni kin jide nintun him yamti di bram yam nya mijibong kei mijigwam kei.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.