YESAYA 27:7 - ALLAH NIHYET MEM TUNGWATU NYA

⁷ tuhan mikes hukum di buhun ei Nide limwa nya dip noyam kin gi kes hukum di buhun ei ngkiai nya di iba nitok biyok dip bi. Noni miyai nimai bak Nide limwa nya noyam kin gi yai nimai bak Nide nitok nya bi.

YESAYA 27:7 ပူးပေါင်းရင်းမြစ်များ

NAHUM 3:19

Bit bon hi yok obat kep abokti nya leu api abokti mijut hanyen kan bi sren. Yo di imiap tut atimekti yahagom mittem inda bingon kei kep na drek dip tungwatu nya di igyai ninghuisi wei tug hon ade nimbukti di ug hon nohonti bi dima tu.

NAHUM 1:14

Gini ne tuhan nikos tutti di bitut mben Asyur ri. Yoni mimbun imunggwom di intun yok him mem gima ibinut ide nintun yam him yamti di bram yok nya bu bi. Midibindei timek kwar di ikuk yok bak ei ide kwar nibousi nya hagom. No ditin ei jui mem mben Asyur tu lewo dem tut gima igyaijo bu bi!

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 50:40

Dibindei timek minu Babel noyam kin gi dibindei timek minu ndig Sodom kin Gomora bitut minu mien ngot di jo ttai nya. Tungwa hi dima bong ei sirima bu bi. Da di tuhan disimbot dat tu.

YESAYA 17:14

Ibindei ba, nittinti di nindig bibor cut igkep tungwatu nya mem mpia nicutti lo, dideu njap tekti lene ipror hak. Mun di buhun dima micut igkep bikwop yo di ipos ndigban leu nye yahagom.

YESAYA 17:3

Mben Israel ide tentara nibousi di igya coi nya mipror hak ug ba, minu ndig Damsyik de niya binontiti mipror leu noni. Mben Siria di ingwes ngun nya igyaijo ei niwer nikinei-kinauti noyam kin mben Israel. Da di tuhan Di Dinyeng Jei Bibor disimbot dat tu.”

YESAYA 10:12

Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”

YESAYA 10:17

Allah di kwes-kwau di ninyeng Nipigati Israel dem kep hum njeng di yem mun nyeng hagom bitut war nggig-nggwen nya cem bingwig hak ei njap ngom ngat.

YESAYA 30:31

Tirigi mben Asyur imiap tuhan nihyet lene ingon digit bibor tut Nide hukum di buhun apino ighyet sra tut.

YESAYA 31:8

Mben Asyur mikon pran bit ide siceu nya noro micut biyok tug hon tungwatu nya ide nisindemti bi. Tentara Asyur minang leu ide siceu nya leu api ide pinai pilei nya minok awak mem yoni.

YESAYA 31:9

Ide nibou ndig ningon ttin bibor ba, yo di igya kui noni mittin tut ide siceu nya leu api minang bingwig bikes ide kendera nya bijo ei.” tuhan simbot dat tu. Nide limwa nya iba midut nindig mindhe ei nimbar hum dokti bikuk yok biNoni ba, inggei sut Noni ei minu ndig Yerusalem.