YESAYA 27:3 - ALLAH NIHYET MEM TUNGWATU NYA

³ Da di tuhan rino no di ya ser ba anggur nghousi dima bidiprok bikwop nituti hagom. Diya ser bikwop mmun njap leu binhyepo hi bindei ba, kinei bi.

YESAYA 27:3 ပူးပေါင်းရင်းမြစ်များ

NITRITI 6:17

Lewo dibindei ba, minyei su nindig bibor ba, ut kep dihyei ninjek dip hagom leu binhyepo kot mun di ninnei tau nuhwap nsi nya hagom. Mun nyeng hagom ei dihyeisi dini misar ug ri.

NITRITI 9:9

“Nogindini dibon Ditde gi preu bit nani kin yo di intun nani him bu.

NIBOU NDIG NYA GI NIGOM 8:59

Handei kon ba, nyende tuhan Allah miyok ngon kep ditde nadi dini kin mun di dahara Noni tut hagom. Handei kon ba, Noni ngondut Nide limwa di mben Israel kin ide nibou ndig cem ba, kwas mun di isuar nya tut yok bikwop njap ngwa hagom.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:5

Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

YESAYA 31:5

Bit leu nok ha wek gom di kieng ninyehei gau nimien bat di ibong yahamti ne Da di tuhan Di Sindem Bibor midiya srak ko hagau mben Yerusalem bidiya ser yok bidiya srak ko hagau yok ba, diteu yok bingwes ngun cem.”

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 46:4

Dinok jide Allah kikau ug bipek jinghim koi kep bidiya ser je kikau bijibou tiei kep. Dipai tes je ba, midinyohou je bidimpu je cem ba, miditeu je bijingwes ngun cem.

YESAYA 46:9

Ma jiyok ngon kep mun di pek kep mem je nipou su nya. Ma jipai jit bipia Dani ne Allah ri. Allah hiter hi bi. Bit bon jibinai Da kin hiter kan bi.

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YESAYA 60:16

Ngkiai nya kin ide nibou ndig nya minyohou na noyam kin sop gom di nyohou nimunggwom. Mpe dima lene mijo nibreisi mem na bipia Da di tuhan diteu na ba, angwes ngun. Da di tuhan di disindem bibor dikwek na tu.

YEHEZKIEL 34:11

tuhan Di Ninyeng Jei Bibor pai “Dangkom midinggok ser Ditde domba nya leu api dehek tut yok,

YEHEZKIEL 34:24

Da di tuhan midinok ide Allah lene nibou ndig gom di noyam kin Ditde awak di Daud ninyeng mitak kep yok. Da di tuhan disimbot dat tu.

YEHEZKIEL 37:14

Midihi dinnei ug ei insi leu binhyepo ikiju bigyaijo hanyen leu api disindui sut ba, ibong ser itimieisi hanyen. Mpe dima lene yoni mikan mungkun tut bipia Dani ne tuhan ri. Da di tuhan disimbot dat tu. Midiyai hagom bit leu nok gi dipreu ei mem yok.”

YEHEZKIEL 37:28

Tirigi diwin Ditde Ig di jo ninno bijo kikau ei ikieti lene mijo nibreisi mem ngkiai nya yahagom bipia Da di tuhan didimig mben Israel ei ba, inok Ditde limwa nya.”

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.