YESAYA 26:7 - ALLAH NIHYET MEM TUNGWATU NYA

⁷ Yo di ingon sren nya mimbut kak puig di sren kei lewo Na di tuhan adime kep puig di sur yam kei mem yok.

YESAYA 26:7 ပူးပေါင်းရင်းမြစ်များ

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

YOHANES GI NIGOM 3:7

Dimunggwom bat jen, ma jisindui sut ba, hi bindei srawir je au. No di yai kikep Allah ningon kanti mem noni ningon sren bit leu nok Kristus cem ningon sren.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

MAZMUR 11:7

tuhan singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat tuhan Ningat igbit.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

AYUB 31:6

Disindui sut ba, Allah ba Nide kilo di igbit binai da leu api Noni mikan tut bipia dingon ngun yo.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 25:4

tuhan e, ando angon kanti bida. Ando mun di suar diyai kep nya bida.

MAZMUR 25:5

Angginau da ba, abie tut da cem leu binhyepo didimig diyaijoti bit leu angon kanti mem da. Lewo Nani ne Allah di teu da bidingwes ngun leu ditde siceu nya ri. Diba dingon com Na kikau.

MAZMUR 27:11

tuhan e, ma apingok dingonti leu binhyepo dikan igbit tut angon kanti mem da. Abuwak da kak puig di sren kei lewo ditde siceu nya imang ndig.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 52:12

Tirigi sindi jikwei lene ma jiba jibinang ug au. Lewo tuhan mibie tut je ba, Noni minyohou je. Noni miya srak ko hagau je bicuon jiyaisi kikau kak jimbutti.

YEREMIA 10:23

tuhan e, dikan tut bipia tungwa hi di sindem mem gima kos tut mun di mipek kep mem noni bidimig nide niyaijo nimbutti cem kan bi.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

MAZMUR 5:9

tuhan e, ditde siceu di iba nitok bida imang bibor ngat! Akrau dinda ba, acen da leu binhyepo diyai igbit angon kanti mem da. Ma abindo Ade puig dima dimbut kak cem bida.

NIPINGOK NINGONTI 3:6

Ma apwoi tuhan ningon biken tirigi bon nikwesti hagom apino Noni mindo puig di bie ndam ayaijoti di kei bibor bina.

NIPINGOK NINGONTI 11:5

Ningon srenti dime kep no di ningon kwes kei nide puig niyaijoti bisur yam kei. Noro no di sibut ttei nonti ndam gi misar.

NIPINGOK NINGONTI 21:8

Yo di ingon mui nya ikak puig di dwei-dwei nyen noro yo di ingon ngun nya igyaijoti sren kei.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.