YESAYA 26:6 - ALLAH NIHYET MEM TUNGWATU NYA

⁶ Yo di yuhui mbum kin yo di igyai niwei nya mico kep nyen minu ndig dima.”

YESAYA 26:6 ပူးပေါင်းရင်းမြစ်များ

ROMA 16:20

Jei bi lene Allah di bindei ba, jibong kei jigwam kei mico kep Bilis binem-nnai ei bijehei jimig jou tug hon nisindemti di Noni yai bije. Handei kon ba, ide Tuhan Yesus Kristus mikum ei nisingat tut jeti!

LUKAS 10:19

Jimiap e, diyai nisindemti bije leu binhyepo jico kep wou kin amai nggre nya ba, jibindei timek jide Siceu nide nisindemti hagom ba, bit bon mun nyeng hi yai nibok bije kan bi.

YOSUA 10:24

igya hak ei Yosua noho bei. Lene Yosua nduk tentara Israel yahagom kwei leu api hig nibou tentara di injei bit noni bikon pran nya kwei leu binhyepo ico kep nibou ndig dima yok inggibi kin mpia.

NINGAT-HI-NGAT NYA 2:26

Mem yo di ibindei cut sisar nisindemti bigyai midyai bit leu dingon kanti kikau ug bipek ningwig honti ne midiyai nisindemti biyok leu binhyepo inyeng tak kep mben nya hagom.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

KORINTUS GI NIGOM 1:26

He disut bat jen, ma jibisrip tut jenti nipou tirigi Allah sindi hig jeni bijinok Nide limwa nya. Mpe dima ne jigom-gom he jingon ki lene jigom-gom he jisindem lene jigom-gom he jinyeng jei bou tungwatu nya igyai him.

MALEAKHI 4:3

Mijinjei yo di imbuk nya bingwig mem njap di Danti dikos tut ei mem yok tu apino inok dihyei ndung di jico-co nyen kep.

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

YEREMIA 50:45

Gima rino ma jimiap kep mun di ditin ei dingon kanti tut mem minu Babel kin mun di dibibon bak timiei Babel nya cem. Siceu nya mikri munggwom di ide inda biyuug sut apino ide ndigpoi nya yahagom migwam nidigitti drek dip.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 37:25

Anggap leu bipia atig minyei bousi ba, adut minyei bidem minu ngkiai ide nya hagom ba, ade tentara nya ico-co nyen kep Minyei Nil bipingge hak tu.

YESAYA 25:10

tuhan minyohou Nungug Sion noro mico kep minu Moab noyam kin gandum nintam di icom ug ei mimpiang bousi.

YESAYA 3:15

Nggon rino jico kep Ditde limwa nya bijiyem yo di yuhui mbum nya imuhup i? Da di tuhan Di Dinyeng Jei di Sindem Bibor cem disimbot dat tu.”

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.

YESAYA 3:14

Noni kiju binok nikei di yai nibou tut nibou nya di ibie tut Nide limwa nya. Noni pai kep yok “Jeni rino jipos ba anggur ningat leu miai ba anggur nghousi nya ba, jide ig mpung tut ndigban di jipos leu yo di yuhui mbum nya.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 28:3

Nide tentara nya mico kep nibou di illei-lau nya di pes pu yok bibor.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

NIBOU NDIG NYA GI NICAN 9:33

Lene Yehu pai biyok “Jikrau noni bijinjei ug ei dihyeisi.” Leu api injei Izebel leu anai ug ei dihyeisi. Lene Yehu bindei ba, nide kroba pran nimig co kep noni sindem bibindei ba, ninggrom di pio mpia rus ngug tig kin kuda nya di brim kroba pran nya.