YESAYA 26:4 - ALLAH NIHYET MEM TUNGWATU NYA

⁴ Ma jiba jingon com tuhan bijo kikau lewo tuhan Allah nyohou nye kikau.

YESAYA 26:4 ပူးပေါင်းရင်းမြစ်များ

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

AYUB 9:19

Gino diba ditde nisindemti bikui dip Noni lene Noni buhup hak yo, dingat rigini. Gino dipai kep Noni drek dip munhyet gom ne tou rimbrap gau da bijem Noni kwei ei nikei noho bei i?

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 55:22

Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.

MAZMUR 62:11

Ma jiba jingon com mun di jiyai leu nico kep tungwatuti au. Ma jiyok jingon mem mun di jitug ndei tug hon ndigban di jipos nya au. Mbro nok gino mun di jinyeng tut nya kum eisi lo, ma jiba jingon com ndigban dima au.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

MAZMUR 62:9

Ditde limwa jen e, ma jiba jingon com Allah bikwop mmun-njap hagom. Ma jipai jit mun di jo jingon bei hagom brei biNoni. Lewo Noni ne mpia di igya coi dima ingwes ngun ri.

MAZMUR 66:7

Noni ba mimbri di kui ningkek bininyeng tak kep limwa nya bijo ninno bijo kikau. Noni mian huk ngkiai nya leu binhyepo yaham imbuk kep bisrep huk Noni bi.

MAZMUR 93:1

tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 17:10

Na di minu Israel e, abbwe ser Allah di teu na di angwes ngun kin Allah di noyam kin nungug tig di ngkiem kei di nyohou na tu. Ata njita ei miaisi di apigig ser mem gima akuk na bak kwar ngkiai nya ide cem tu.

YESAYA 30:29

Noro Ditde limwa jen e, jingon minggei-hi-nggei ba, jipai doia cem noyam kin mmun midut di jibon mem jibikuk je bak Noni. Mporo jiyai nillei noyam kin yo di iba porei di imiep nya biyai nillei bimbut ndam tuhan di ya srak ko hagau mben Israel De Ig.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YESAYA 51:5

Niteu ningwes ngunti di diyai biyok dideu kwei su. Ditde njap nibindei timek siceu nyati mbigom mitau. Dinyeng mitak kep ngkiai nya yahagom. Minu di ting nya ibet ingon mem Da ba, igyok ingon mem Da kin Ditde nibon munti di bibon ninggap leusi.

YESAYA 63:1

“Tou rikwei leu minu ndig Bozra ei minu Edom i? Noni juk sinsun ngwoi di sieng kei bimbut sindem ba, mimbri kui ningkek bibor.” Da di dikwei dini ne tuhan rin ba, disindem mem gima diteu tungwatu nya bingwes ngun ba, dikwei tri tut nihyet nibindei timek siceusi nya.

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NINDAT KEP TUHAN NICUKTI NYA 33:27

Jiya coi Noni dem kep nok jiya coi tring behei ninno tu lene ninda di sindem hati tut je bijo ninno bijo kikau. Tirigi jimbut-mbut nyen pima lene Noni njei jide siceu nya sindam ei joho bei bicuk je bipia suar jihwen yahagom bingwig ug.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.