YESAYA 26:3 - ALLAH NIHYET MEM TUNGWATU NYA

³ tuhan e, ayai ningon kwes kin yamti bak yo di ingon nddong lewo iba ingon com Nani.

YESAYA 26:3 ပူးပေါင်းရင်းမြစ်များ

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

NIBOHON MBEN ISRAEL GI NICAN 13:18

Tentara timiei Yehuda nya ibindei timek yok lewo iba ingon com idigup bat-idigai bat nya ide tuhan Allah.

NIBOHON MBEN ISRAEL GI NICAN 16:8

Apo agiyok ngon kep gi po mben Sudan kin Libia nya ide tentara nya imang bibor cem lene ide kroba pran kin ide tentara di iba kuda bikon pran imang bibor lo, tuhan bindei ba, joom kep yok leu gi po aba angkiem bisu Noni pima bi e?

MAZMUR 119:165

Yo di ingon ngakei Ade nikos tutti nya ijo nyahan ba, ibong kei igwam kei. Hi di bindei ba, icut bi.

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 26:12

tuhan e, abindei ba, nyeni nibong kei nigwam kei. Mun nyeng di niyai kep nya hagom tug hon Ade midyai nya.

YESAYA 27:5

Noro gino Ditde limwa nya ide siceu nya inggok tut gima igwam coi Da lene suar ibakei Dati ser. Igbit ri! Suar ibakei Dati.”

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

YESAYA 32:18

Mun di buhun micut igkep Allah de limwa nya bu bi apino yoni mibong kei migwam kei.

YESAYA 42:19

Tou riniyai tu nindig dor njiriek Ditde awak Israel niyai di tu i? Tou rinitingou nam nindig dor njiriek no di disok dihyet ei no dip nitingou di nam i?

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

YESAYA 48:2

Mbro nok gima lo, jiba ningon di llei bipai bipia jeni ne timiei minu ndig di kwes rin ba, jirok kui Da di Allah Israel di dinyeng rino tuhan Di Ninyeng Jei Bibor.

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YESAYA 66:12

Lewo tuhan pai “Midiyai nibong kei nigwam keisi di dem kep minyei di biam kikau bije. Ngkiai nya mipwoi ide ndigban di inyeng tut nya di dem kep minyei di kui mpia bigyai bije. Ba, mijidem kep munggwom di dut kep nipmem nido ngei cem di nipmem hon kin no cem di nipmem prios-prios nyen bipai-hi-paisi cem.

YEREMIA 39:18

igyai nimai bina bi. Miditeu nani ba, angwes ngun leu inda nsi. Angwes ngun bitut ayaisi cem lewo aba angon com Da. Da di tuhan disimbot dat tu.”

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

DANIEL 6:23

Ditde Allah cuk Nide malaikati gom kwei leu api noni tak kep singa yuhui ser leu ba, yaham da bi tu. Noni teu da bidingwes ngun lewo kan tut bipia dingon ngun. Dibon mun tunggwei sut Noni kin na di Andigpoi cem bi.”

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.