YESAYA 24:3 - ALLAH NIHYET MEM TUNGWATU NYA

³ Dihyeisi dini misinsiou ba, tuhan mibindei bitimek. Noni simbot dat tu ba, mun dima micut igkep yok sindam.

YESAYA 24:3 ပူးပေါင်းရင်းမြစ်များ

NIBOHON MBEN ISRAEL GI NICAN 36:21

Gima pek kep mun di tuhan tri tut tug hon Yeremia bipia minu dini micut ei ningoi-ngati kikau mem nijam ari bingwam ningot muhwindacan ba, biluei Ari Bingwam Gi Nimuhwindacan Nikes Sidumti Pijum Hak Ei Mem tuhanti po inyohou bi pima.

YESAYA 21:17

Niprindei kep mun cig keret Kedar nya ibrim ingkek ba, mimbri kui ingkek bibor. Noro ibou poi he rima ingwes ngun a. Da di tuhan Allah Israel disimbot dat tu.”

YESAYA 22:25

Gino gima pek kep mem noni lene keu nindig po ipek di kinai ngug tigti di ngkiem kei pima mipas bicut ug. Apino keret di imbier kim noni di indun ninda him yahagom ingwig bohon eisi ri. Da di tuhan disimbot dat tu.”

YESAYA 24:1

tuhan mibindei sar dihyeisi dini. Apino dihyeisi dini ngoi ba, mpia mbum-bra bram. Noni minggek bikiek ninjek dip bibindei ba, timiei dihyeisi dini intek gimahap.

YESAYA 24:2

Mun di buhun dini micut igkep yahagom bitut imam nya kin limwa nya kin awak nya kin yo di yuubon yok nya kin nitri-nipek mun cig nya kin yo di idahat ningwam leu hiter nya kin nipas ninda leu mitiei cig nya kin yo di yuhui mbum nya yahagom noyam.

YESAYA 24:4

Dihyeisi dini mui bijet ba, mpia-bbed him kin dihyeisi dini hacem inggwen sur yam.

YESAYA 42:22

Noro ide siceu nya ipos tuhan de limwa nya ide ndigban bingwig leu yok binggam yok ei ninsi di jo dihyei jou nya bisima ei ig bui di dindi-kai nya. Ide siceu nya ikwei pos mun di inyeng tut nya hagom bingwig leu yok leu api hi dima kwei teu yok bingwes ngun leu bi.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YEREMIA 13:15

Je di mben Israel e, tuhan simbot dat tu! Ma jingon jei au! Jimiap kep nihyet a!

YEHEZKIEL 36:4

Gima rino nungug nya kin mbigdip nya kin minyei pmot nya kin mbang briep nya kin minu ndig di wer ig kum kroi di ide timiei nya ikes bijo ei tu nya kin ngkiai nya di ibong ttai nya di ipos ndigban leu yok biba ighyet bicig yok cem e, ma jingig jitingou mem nihyet di tuhan Di Ninyeng Jei Bibor pai bije.”

MIKHA 2:4

Mpe dima lene tungwatu nya mipai singgre je lewo jinok bindo tut mun di buhun di cut igkep tungwatu nya. Iba doia bikiek mun di buhun di cut igkep je bipai, ‘tuhan pos nyende minu dini bingwig leu nye biyai bak siceu di ikat nye. Nyeni nitimek biningwig hak tu.’ ”

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

NINDAT KEP TUHAN NICUKTI NYA 29:28

tuhan nigga biborti kum eisi nindig bibor. Lene ba nigga biborti dima bohom mben Israel leu itimieisi ba, com yok nok awak ug ei ingkiaisi apino ingat rin ei sirima kikau kwei bipek ammani kep.’