YESAYA 22:2 - ALLAH NIHYET MEM TUNGWATU NYA

² Ma jahagom ei minu ndig jibon pesta nya bijiba jingon di nggei-hi-nggei bimbos-hi-mbos au. Lewo jide tentara nya di imai ei pranti dini imai drek dip gi ikon pran bi.

YESAYA 22:2 ပူးပေါင်းရင်းမြစ်များ

YESAYA 10:4

Mun di micut igkep je rino jimai ei pranti ba, ikat je nok yo di isima cem he. Noro tuhan gga je bikes hukum ei je dip bijo kikau yo.

YESAYA 23:7

Jingat jide minu ndig Tirus di jo leu nijam gi nipou yo kwei tu dima i? Gini ne minu ndig di nillei ngwig rin e? Gini ne minu ndig di pinak timiei nide nya ug ei muk nite dima ug mem gima ibong nok ngkiai ei sirima rin e?

YESAYA 32:13

lewo cibou kin mun di tigot-tigau miceu hagom. Igbit ri! Ma jiyai nggwei kibor tut ig di tungwatu nya ibong kei igwam kei eisi kin ide minu ndig di mpung tut yo di imbos-hi-mbos nya.

YESAYA 32:14

Nibou ndig de ig di kei bibor kin jide minu nibousi po nipou ne igyai nillei eisi pima minok ha ngunti bu lewo tungwatu nya ikes hagom ei binang leu su. Jide siceu nya midime jide nungug tou nya kin jide ig hagom ba, sur yam kei bijo ninno bijo kikau. Leu api keledai bigbehei nya miya-ya nyen kep ba, domba nya miyem kep abris bou cem ei sirima.

YESAYA 37:33

tuhan mbot kep tut nibou ndig Asyur bu bipai bipia Noni micoi ug ei minu ndig Yerusalem ba, prindei tibor gom bitibim ug ei minu ndig dima bi sren. Tentara di ikrau mun di bipukep tibor ninggwenti nya hi dima midideu minu ndig dima bi. Yoni mingot ig ninggilai nut yam ba, ibiyon ttai lene ibinggek minu ndig dima cem bi.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 38:2

bipia tuhan pai “Tungwa tou rino ku no nyahan ei minu dini mitug ndei nimai tug hon pran kin ninggum kin nsuwer ajar. Noro tungwatu tou rino hei leu minu dini bikes nonti ei tentara Babel indati mitug ndei nimai bi noro miningwes ngun.”

YEREMIA 52:6

Ug ei njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem ba, njita hagom ngwig leu yok tu,

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

YEHEZKIEL 22:5

Minu ngkiai di ting nya kin gi dideu nya iba ighyet bicig na nyen drek dip ade ninjiriek dicukti kin didimigsi nya bijo kikau.

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.