YESAYA 2:6 - ALLAH NIHYET MEM TUNGWATU NYA

⁶ Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

YESAYA 2:6 ပူးပေါင်းရင်းမြစ်များ

ROMA 11:20

Igbit ri. Noro Noni sriot ninda dima leu drek dip gi ingon jo kep Noni bi. Lo, jiluei niceti lewo jingon jo kep Noni. Noro ma jingon jei sut au. Ma jidigit tut.

NIBOU NDIG NYA GI NICAN 1:2

Mpe di gom ne Ahazia di nok Nibou Ndig mem mben Israel cut nai bibor leu ninsi bas di binut ig ngat ninggre gi anai ei nide ig nibou ndig ei Samaria ba, nibokti buhun. Apino cuk tungwatu ba, yuug hig ser mben Filistin ei minu ndig Ekron ide kwar Baal-Zebub leu binhyepo ndo igbit tut nibokti di buhun dima pia mikei hanyen yo e, he mikei bi e?

NIBWOS-BWOS NYENTI 5:20

Nggon rima akes nye ei ninno nok i? Mpaba abbwe ser nye bihigom tu e?

YEREMIA 10:2

Noni pai “Ma jiyai bram ngkiai nya ide niyai kepti nya au. Mbro nok gino ngkiai nya ittin tut bindo di bibon ninggap leusi ei mpia-bbed him lo, jeni ma jidigit tut au.

YESAYA 8:19

Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”

NIPINGOK NINGONTI 6:1

Dimunggwom na e, apreu ei mem tungwa hi tut gima aya hon nide ningwam di dahat ei tu e?

MAZMUR 106:35

Noro iwak sop ngkiai nya nok itnem bat nya bigyai bram yo di ikan tut Allah bi nya igyai kepti nya.

NEHEMIA 13:23

Ei nijam dima cem dingat lo, limwa Yahudi imang bibor di iwak sop ngkiai di mben Asdod kin Amon kin Moab nya.

NIBOHON MBEN ISRAEL GI NICAN 24:20

Mpe dima lene Allah Ninnei mpung ei Zakharia di Imam Yoyada nipmot ningonti bisindem tut noni. Zakharia kiju biya ei limwa nya yoho bei leu api pai biyok “tuhan Allah pai ‘Nggon rino jigibit Ditde nicuk jeti bi dino jibitig jui mem jenti i? Jikes Dani ei su. Gima rino Dani cem midikes jeni ei.’ ”

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NIGOM 10:13

Saul ba ningon di gom bibit tuhan kin nicukti nya bi. Apino mai drek dip a. Noni hara tuhan leu binhyepo tuhan ndo ningon kanti bak bi. Noro nang ndam nimai nya innei bahara yok bindo ingon kanti bak. Gima rino tuhan kes hukum ei noni dip lene bitug ninyeng di tak kep limwa nya nok nibou ndig leu noni bikes bak Daud di Isai nipmot bu.

MBEN ISRAEL IMBUT-MBUT NYEN 23:7

Lene Bileam tri tut Allah ningon kanti bipai “Balak di nibou ndig mben Moab buwak da kwei leu Aram di jo nungug him bei mpia nipriti leu binhyepo diya luei nohoti ba, dimbriom mben Israel.

IMAM NYA IDE MIDYAI 20:6

Tungwa tou rino bisau ndam no di nung kui di mbrap kep bit nimai ngwes nya igkei ba, no mbrap bit nimai ngwes hi lene midikes hukum ei noni dip ba, midibibon noni nok no di nggre kin Ditde limwa nya bu bi.

IMAM NYA IDE MIDYAI 19:31

Harin dima juug cem kep yo di nung kui yok nya bipingok kep jingonti a. Leu gi nok lene map mikui jeti. Dani ne tuhan bidinok jide Allah ri.

NEHEI LEUSI 34:16

Leu gino jipmot bat nya miwak sop ngkiai nya lene sop dima yok mibidip huk yok leu binhyepo ikes Da ei leu ba, yuug kuk yok bak ide nung nya.

NEHEI LEUSI 22:18

Suar jikes hukum nimai ei sop di nung kui dip.

SAMUEL GI NIGOM 6:2

timiei minu dima ihig ide imam nya kin yo di nung kui yok kwei leu api ihig ser yok “Ninggon ndei Brua Gi Preu dini i? Gino nitug brua dini hanyen bak niceu lene niba mindei kum eisi bu i?”

YESAYA 14:29

Mben Filistin e, tom di dikrau mem gima dibibui na dahat tu. Noro ma angon nggan-triot au. Leu gino wou gom mai lene wou di ten bibor dor njiriek gima mikwei ya luei nohoti bu. Wou gom nidunggwei miki leu mindhe naga di yai ninyehei bu.

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

MIKHA 5:12

Midibindei ba, jide kwar nya kin jide cou tig nya di jipigig sut ei mem jide kwar nya hagom timek bingwig. Hon kep njap dima kui ne jikuk je bak mun di jibon bou jinda him bu bi.

ZEFANYA 1:8

tuhan pai “Ei njap di diba tungwatu bibon midut noyam kin gi diba mindhe-ndhe bibon midut dima ne midikes hukum ei yo di inyeng jei nya kin nibou ndig nide bat nya di inggimang ndigban bigyai nimai bak hiter leu binhyepo ibipos ndigban bibindei mpung iceu nide ig. Dikes hukum ei yo dima dip drek dip gi igyai bram ngkiai nya igyai kepti nya bikuk yok biDa dem kep nok yo di ikuk yok bak kwar nya.”

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

MIKHA 5:11

Midibindei ba, jide seig ut nya cem timek bingwig leu api midijji jide nung nya ningwig leu je.