YESAYA 2:4 - ALLAH NIHYET MEM TUNGWATU NYA

⁴ Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 2:4 ပူးပေါင်းရင်းမြစ်များ

MAZMUR 110:6

Noni mikes hukum bidem ei ngkiai nya dip bibindei ba, ingut di wer nimbiam mikui sur mpia. Noni mibindei sar nibou ndig dihyeisi dini hagom ningwig a.

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

MAZMUR 82:8

Allah e, akwei gwam nok nikei mem tungwatu dihyeisi dini lewo anyeng tak kep ngkiai nya yahagom.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

YESAYA 32:18

Mun di buhun micut igkep Allah de limwa nya bu bi apino yoni mibong kei migwam kei.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 42:3

Noni midahat bika di nggom bimu mini di njeng kinei bi noro mita nibou eisi bibou ningon sren-srausi mitak kep tungwatu nya yahagom ug e.

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YESAYA 9:7

tuhan simbot dat tut hukum di Noni mikes ei mben Israel dip tu.

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

HOSEA 2:20

Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

YOEL 3:10

Ma jitug jide ngkimom nitu di jiba sapi bikri mem jibiwim dihyei hagom binok singau simeda lene ma jiprin jide singau koi hagom binok tigtug cem. Ma no di ninghuisi jet brim ningkek bipai ‘Dikon pran kan noyam kin tentara di sindem!’

YOEL 3:12

Suar ngkiai nya yahagom itin ei ba, induk yam kwei ei Mbang Briep Niya Ei Nikei Noho Bei. Da di tuhan digwam nok nikei ei mbang briep dima mem ngkiai nya di ibong bidem minu di gahai dini kou.

MIKHA 4:3

tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

SAMUEL GI NIGOM 2:10

tuhan de siceu nya ittin nindig bibor apino mitug midut tug hon hukum di dem kep nok kru di nisu bong ei mpia-bbed him di Noni kes ei yok dip. tuhan migwam nok nikei mem tungwatu dihyeisi dini hagom. Noni miyai nisindemti bak nibou ndig di Noni ta ei su. Lene mibindei ba, nibou ndig dima nide siceu nya yahagom micut bak noni.”