YESAYA 2:3 - ALLAH NIHYET MEM TUNGWATU NYA

³ Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”

YESAYA 2:3 ပူးပေါင်းရင်းမြစ်များ

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

MAZMUR 110:2

tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

YEREMIA 31:6

Igbit ri! Ei nidipti bu lene yo di igya ser jide minu ei nungug tou Efraim nya ipai cuk yam ‘Jikwei ba, yahagom ikui ug ei Sion ba, idideu tuhan di nok ide Allah.’ ”

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

NINDAT KEP TUHAN NICUKTI NYA 33:19

Yoni ihig ngkiai di inyeng jei nya kwei ei ide nungug him ba, indig mindhe-ndhe nya ei nimbar hum dokti nok igbit bak tuhan ei sirima. Muk ngeisi kin iggum di jo nipimat rinok nitriti mem ide ndigban kin ide mitiei.”

MAZMUR 48:1

Nimpung Korah ide doia.

MAZMUR 119:171

Midikon anyeng bikwop mmun-njap hagom lewo angginau da tut Ade nimbrap tutti nya.

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

YESAYA 28:9

Yoni inso tut da bipai “Noni ngginau tou i? Tou suar ningginau nyeti dima i? Lewo gima dem mem munggwom di sindi idut do bu bi nya he.

YESAYA 56:5

lene Ditde limwa nya migyok ngon kep jinyeng ei Ditde Ig cem ei ikieti cem ba, gima kei dor njiriek niyai munggwom pinai nya kin munggwom sop nya. Midibindei ba, jinyeng jo kikau. Ditde limwa nya mibbwe ser je bi sren.”

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YESAYA 60:3

Ngkiai nya mingwig kep ade nipigati. Ninjeng di piga digai na mibindei ba, nibou ndig nya minduk yam kwei ndam na.

YESAYA 65:11

Noro mun dima mipek kep mem yo di iba inghim biDa kin yo di iba igyai ngat Ditde nungug Sion di kwes-kwau kin yo di ipwoi mun di ibikuk yo bak kwar Gad Meni nya di bindei di itug ndei mun di kei ba, bindo mun di pek kep mem igyaijoti cem biyok bi.

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

ESTER 9:27

bindei ba, ibon nicukti gom mem yonti njem kin ide nintun him yamti di bram yam nya kin yo di icoi bit yok nok limwa mben Yahudi nya cem yahagom. Suar ibon midut nibiyok ngon kep njap cin di Mordekhai kos tut ei dima bikwop ari bingwam hagom bit leu nicukti dima nitibimti.

MAZMUR 102:23

ei mpe dino ngkiai nya kin ninyeng tak kep limwati nya midem yam ei mem gima ikuk yok bak tuhan.

YESAYA 1:26

Midita nikei nya kin yo di ingon ki nya leu binhyepo inyeng tak kep je dem kep nok gi nipou po inyeng tak je habiei pima. Lene tungwatu nya mipai sut minu ndig Yerusalem bipia minu di ningon sren-srau ba, ningon gom cem ri.”

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 19:23

Mpe dima lene simpak ndig hi mimbut buug bipek kin minu Mesir kin minu Asyur. Timiei minu ndig cin dima mingkwei-ngkwei nyen kak simpak dima binduk yam ei gom mem gima ikuk yok bak Allah cem.

YESAYA 44:5

Ngkiai nya gom-gom sindam mipai jit bipia dikuk da bak tuhan. Yoni miba yok bikum yo di intun Yakub him. Bikwop yo dini yahagom miwim tuhan ninyeng ei inda pang bipai sut yonti bipia yoni ne tuhan de limwa nya ri.”

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.