YESAYA 2:2 - ALLAH NIHYET MEM TUNGWATU NYA

² “Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 2:2 ပူးပေါင်းရင်းမြစ်များ

NITRITI 49:1

Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

AYUB 19:25

Dikan tut bipia No Di Mbrap Gau da no rinaha ei gwamti. Noni mikwei mem njap ningwig honti bimbrap gau da ei dihyeisi dini.

MAZMUR 102:23

ei mpe dino ngkiai nya kin ninyeng tak kep limwati nya midem yam ei mem gima ikuk yok bak tuhan.

MAZMUR 2:8

Ahara Da hak ug leu api midikes ngkiai nya bidem dihyeisi dini hagom bina lene ma anyeng tut dihyei nisurti-nipekti hagom nok ade cem.

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 22:28

Ngkiai nya yahagom mibisrip tut tuhan leu api yahagom mingkwei ndam Noni hanyen bikuk yok bak.

MAZMUR 48:2

tuhan ne No di kei-kau-kei. Nyeni ikon ninyeng bibor ei ide Allah de minu ndig di iwin ei mbigdip di kwes-kwau.

MAZMUR 68:17

Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

MAZMUR 72:8

Ninyeng tak kepti mikieng kep dihyei nisurti-nipekti leu Minyei Efrat kikau ug bipek minu nohon keti.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

MAZMUR 87:1

Doia Korah ninsi de. tuhan win nide minu ei nungug tou di Noni dimig bikwes-kwau ei su.

MAZMUR 87:2

Ningon ngakei minu ndig Yerusalem nindig bibor dor njiriek minu ndig nindigsi nya ei minu Israel.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 25:6

tuhan Di Ninyeng Jei Bibor mitin ei midut niyem pestati mem mben ngkiai di dihyeisi dini hagom ei Nungug Sion. Noni ngei njita di nui ngge kei kin ba anggur ngei di nyop kei.

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

YESAYA 30:29

Noro Ditde limwa jen e, jingon minggei-hi-nggei ba, jipai doia cem noyam kin mmun midut di jibon mem jibikuk je bak Noni. Mporo jiyai nillei noyam kin yo di iba porei di imiep nya biyai nillei bimbut ndam tuhan di ya srak ko hagau mben Israel De Ig.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 56:5

lene Ditde limwa nya migyok ngon kep jinyeng ei Ditde Ig cem ei ikieti cem ba, gima kei dor njiriek niyai munggwom pinai nya kin munggwom sop nya. Midibindei ba, jinyeng jo kikau. Ditde limwa nya mibbwe ser je bi sren.”

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YESAYA 60:3

Ngkiai nya mingwig kep ade nipigati. Ninjeng di piga digai na mibindei ba, nibou ndig nya minduk yam kwei ndam na.

YESAYA 65:11

Noro mun dima mipek kep mem yo di iba inghim biDa kin yo di iba igyai ngat Ditde nungug Sion di kwes-kwau kin yo di ipwoi mun di ibikuk yo bak kwar Gad Meni nya di bindei di itug ndei mun di kei ba, bindo mun di pek kep mem igyaijoti cem biyok bi.

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YESAYA 66:23

Nimpung tungwatu nya yahagom mikwei kuk yok biDa ei minu ndig Yerusalem bikwop Bed Jep kin Njap Nigwam Kep Ninghuisi.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 23:20

Nigga biborti dima mingwig hon nohonti bi bibou Noni yai hagom bit leu ningon kanti bidem ug e. Mun dini yok mijo nibreisi mem Nide limwa nya ei nidipti bu.”

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEREMIA 48:47

Noro ei nijam gi nidipti bu lene midibindei minu Moab bibong kei bigwam kei nok gi nipou hanyen. Da di tuhan disimbot dat tu!” tuhan mibindei ba, mun di buhun bibor dima hagom micut igkep minu Moab.

YEREMIA 49:39

Noro ei nijam gi nidipti bu lene diyai nibong kei nigwam keisi bak Elam hanyen bu. Da di tuhan disimbot dat tu.”

YEREMIA 51:44

Midikes hukum ei mben Babel ide kwar Bel dip ri. Midibindei ba, noni mingkwei mun ngot di pos tu nya hagom hanyen leu api ngkiai nya hi mikuk no bak bu bi. Minu Babel de ngug tig nya hagom lus tu.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

DANIEL 2:35

Ei nituti dima lene kwar dima titut yam tti biwer ngkimom nitu kin igtuyap kin ngkimom-tembaga kin perak kin mas ninnir-nnir di jo-jo yam dip di ndung-diem nok gandum ndung di ngwig ei ig jibei di tungwatu ibui gandum ngan eisi mem mpia ngeisi. Leu api hou miep nindung dima hagom bibit hou nimig ningwig. Noro tig nindig nindak gom dima dwoi sindam binindig bibor noyam kin nungug tou gom di kieng kep dihyeisi dini hagom.

DANIEL 2:45

Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

ZAKHARIA 14:10

Minu titut yam miwer nibriepti leu minu ndig Geba ei nite bei mpia nijjai ug bipek kin minu ndig Rimon ei nite bei mpia nibiho. Noro minu ndig Yerusalem mikiju bijo anai dor njiriek dihyei di jo ttai nya. Minu ndig dima ninyanti mijo leu Dimbou Pmem Benyamin kikau ug bipek kin Dimbou Pmem Nuhuisi di nok mpia di dimbou pmem gi nipou joti. Ba, ninyanti bu mijo leu Hananel De Ig Mien Di Jo Anai kikau ug bipek kin nibou ndig de bak di ipot ba anggur ngei eisi.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

ZAKHARIA 8:22

Leu api tungwatu nya kin ngkiai nya di isindem bibor nya imang bibor mikwei ei minu ndig Yerusalem mem gima ikuk yok bak Da di tuhan Di Disindem Bibor bingat nadi leu binhyepo dinjei mun di kei bak yoni.

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

MALEAKHI 3:12

Leu api ngkiai nya yahagom mitri tut biyam bipia jingon llei bibor lewo jide minu dima bon mpia di kei bibor kei mem tungwatu nya di ingot ide ig eisi.”

MBEN ISRAEL IMBUT-MBUT NYEN 24:14

Lene Bileam pai bak Balak “Nogindini dingkwei hanyen ug ei ditimieisi ug ri. Noro tirigi dimbut bigyo lene midipai nisinati bina tut notou mben Israel mibibon nani kin ade limwa nya ei nidipti bu ug e.”

KISAH 2:17

Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.

2 TIMOTIUS GI NICAN 3:1

Ma ayok ngon kep bipia son dideu njap ningwig honti nya lene mun di buhun bibor micut igkep tungwatu nya.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

PETRUS GI NICAN 3:3

Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 20:4

Lo bi lene dingat banggo mbrei nya. Biditou kep bu lo, yo di tungwatu nya irop ibou leu drek dip gi itri tut Yesus nihyet di nijit kin Allah nihyet pima. Yo dini ikuk yok bak mindhe di niten-pos kin nide kwar bigyai mindhe de nitak bukti ei ingwak kin inda bi sren. Ikiju hanyen leu imai eisi bigwam ei banggo mbrei nya dip lewo Allah yai nisindemti biyok mem gima inyeng tak kep tungwatu nya. Inok nibou ndig nya di igwam kui Yesus mem ari bingwam sribu gom.