YESAYA 2:18 - ALLAH NIHYET MEM TUNGWATU NYA

¹⁸ Kwar di tungwatu nya ikuk yok bak nya cem misar bihigom.

YESAYA 2:18 ပူးပေါင်းရင်းမြစ်များ

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

ZEFANYA 1:3

tungwatu nya kin mindhe-ndhe nya kin ha nya kin wau nya cem hagom. Midicok tut yo di isibut nya yahagom. Midisindui sut ba, hi ningwes ngun biniyaijo bu bi. Da di tuhan disimbot dat tu.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 21:9

Angat i! Gima ne yo ri! Nimpung tentara di ibri kuda kwei dima ibou can-can idor nggre. Leu api no di ya bitindei ser dima tri tut “Minu Babel cut tu! Kwar di ide di ikon ninyeng bijo nai timek biyem mpia ei dihyeiti tu.”

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 46:1

Mben Babel ide kwar nya ningwig honti rinok gini. Nipou ne yo dima ikuk yok bak kwar Bel kin Nebo noro tini bu ne ikon kwar dima bikes ei keledai nya dip bimbut tut. Kwar dima ibuhun tak mindhe nya ba, inghuisi wei.

YEREMIA 10:11

Je di limwa nya e, suar jipai sut biyok bipia kwar ngot di ipai tes mpia-bbed him kin dihyeisi dini kan bi dima yok ne mibindei sar yok ug ri. Yoni misar leu dihyei ninjek dip dini bihigom ri.)

YEHEZKIEL 30:13

tuhan Di Ninyeng jei Bibor pai “Midiya kep kwar nya kin mun di yo dima ikuk yok bak ei minu ndig Memfis bitimek ningwig a. Minu Mesir mibon nibou ndig di ninyeng tak kep yok bu bi sren. Dibindei ba, timiei minu Mesir nya yahagom ittin bibor.

MIKHA 1:7

Midibindei ba, ide kwar di nibok kak bibor nya timek bingwig leu api hum yem ndigban di tungwatu nya ikwas tut sop di ibou sibui nya di mben Samaria icut tut nya ei kwar dima nibousi hagom. Ide kwar nindigsi nya hagom mitimek bingwig. Mben Samaria itug ndei ndigban dima yok hagom tug hon gi ikuk yok bak kwar bikan bipia kwar dima bindei ba, njita beisi nnum kei. Noro tini bu ne ide siceu nya mipos mun dima yok hagom bimbut tut leu binhyepo ibikuk yok bak ide kwar nya.”

MIKHA 5:13

Midiwim jide cou biei di jipigig sut ei mem kwar Asyera di jo bidem jide minu bidibindei ba, jide minu ndig di bon tentara nibousi di igya coi nya timek bingwig.

YEREMIA 51:18

Kwar di ikuk yok bak nya bon ninyeng bi ba, dem mem tungwatu nya iba ighyet bicig ba, ipai kinei cem. Mpe dino tto bou dem lene kwar nya misar bingwig.

YEHEZKIEL 6:6

Minu ndig Israel hagom kin nimbar hum dok nya kin kwar di tungwatu nya ikuk yok bak hagom minggek sinsiou cem ba, siceu nya minjei nimbar di indig biei nggrai di ui-gwang kei eisi nya hagom ug ei dihyeisi ba, mun di ibon bou inda him nya hagom misar.

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.