YESAYA 2:10 - ALLAH NIHYET MEM TUNGWATU NYA

¹⁰ Yoni minang ug ei nungug di bon hak mihyeti nya biku yok ei jui dihyei jou leu binhyepo ingwes ngun leu tuhan niggati kin Nide nisindemti di nindig bibor.

YESAYA 2:10 ပူးပေါင်းရင်းမြစ်များ

YEREMIA 10:7

Tou rino kuk no bak Na di anok nibou ndig mem ngkiai nya yahagom i? Ningat ne adem mem gima ikuk yok biNani nok gi igbit a. tuhan e, yo di ingon ki nya di isrig ngkiai nyati bitut nibou ndig di ide nya cem hi dem mem ibinai kin Nani bi sren.

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.

LUKAS 23:30

Mpe dima lene tungwatu nya yahara nungug nya ‘Ma jitti hwen nye o!’ Ba, yahara tring behei nya ‘Ma jitti bisu kep nye o!’

LUKAS 12:5

Suar jittin tut tou i? Dindo Noni bije. Ma jittin tut Allah lewo niabiati Noni kimukep tungwatu nya leu lene Noni sindem mem gima com yonti njem titut yam ug ei hum njengti. Ma jiyok ngon kep bipia suar jittin tut Noni.

HOSEA 10:8

Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

YESAYA 42:22

Noro ide siceu nya ipos tuhan de limwa nya ide ndigban bingwig leu yok binggam yok ei ninsi di jo dihyei jou nya bisima ei ig bui di dindi-kai nya. Ide siceu nya ikwei pos mun di inyeng tut nya hagom bingwig leu yok leu api hi dima kwei teu yok bingwes ngun leu bi.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

MAZMUR 90:11

Tou ritug ndei Ade nigga bibor nisindemti i? Tou riningon dorti tut mun di micut igkep nye tug hon Ade ningon sibui sut tungwatu nyati i?

AYUB 31:23

Bit bon dibibon moibihi nok gima kan bi lewo dingon digit tut hukum di Allah mikes ei da dip.

AYUB 40:13

Ma atig yok ei dihyei jou ba, abikrop yok ei minu nimai nya ide.

MAZMUR 145:12

leu binhyepo tungwatu nya yahagom mikan tut Ade midyai di mindur nya kin Ade ninyeng tak kep limwa nyati di kei-kau cem dia-diau kei cem.

YESAYA 25:11

Timiei minu Moab nya misu inda bidem kep yo di yaha minyei noro tuhan micut ide ningon jeisi leu yok apino isindem bu bi.

YEREMIA 13:9

“Midibon nok gima tut timiei Yehuda kin timiei minu ndig Yerusalem. Midibindei sar ide ningon jei biborti di mipbor ngat dima.

NAHUM 3:11

Minu ndig pmem Niniwe e, abou ngwak sibui drek dip gi adut mun di pu na ba, anggok puig mem gima angwes ngun leu ade nitok inda nsi.