YESAYA 19:3 - ALLAH NIHYET MEM TUNGWATU NYA

³ Midibindei ba, mben Mesir ingon kanti di itin ei nya mipek kep bi leu api mimbri di kui ingkek dahat leu yok. Yahara kwar nya bimpu yok ba, yahara nung nya kin ninnei rom nya cem tut nipingokti di bindo puig di kei biyok.

YESAYA 19:3 ပူးပေါင်းရင်းမြစ်များ

YESAYA 8:19

Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”

DANIEL 2:2

Gima rino noni sok nihyet bak yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom di igya kui noni ba, suar ikwei mbot kep mumpriem dima ningat bak. Tirigi yahagom idem yam bigya ei noho bei,

NIBOHON MBEN ISRAEL GI NIGOM 10:13

Saul ba ningon di gom bibit tuhan kin nicukti nya bi. Apino mai drek dip a. Noni hara tuhan leu binhyepo tuhan ndo ningon kanti bak bi. Noro nang ndam nimai nya innei bahara yok bindo ingon kanti bak. Gima rino tuhan kes hukum ei noni dip lene bitug ninyeng di tak kep limwa nya nok nibou ndig leu noni bikes bak Daud di Isai nipmot bu.

DANIEL 5:7

Gima rino noni hig yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom kwei. Tirigi idem yam ei su lene noni pai biyok “Tungwa tou rino kwop mun pas bokti dima bipai igbit ningat bida lene midiba sinsun nibou ndig di jei di dem kep nghei nta bijuk noni leu api midiba miep mas di bindo tut ninyeng jeisi bisrou nikimam cem leu api midita noni nok nibou gi niningai ei minu Babel.”

YEHEZKIEL 22:14

Tirigi Dikes hukum ei na dip bingwig leu lo, no abrim angkek ba, asindem mem gima akon anda yo e? Da di tuhan Di Dinyeng Jei Bibor disimbot dat tu ba, diyai mun bipek kep mun di dipai ei su nya.

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEREMIA 46:15

Nggon rino jide kwar Apis di sindem bibor dima kiju di nang tu i? Lewo tuhan bindei timek noni tu!’

YESAYA 57:16

Midiyai niyaijo nijep bak Ditde limwa nya. Midinjei kep yok dem kep nok yo di itunggwei nya bidigga yok bijo ninno bijo kikau bi. Diyai nok gima leu binhyepo ingon dahat bi.

YESAYA 47:12

Ata abou hak ei nung nihyet di dut di kui na di bindei di amuhup sar tut habiei leu amien kwei su pima yahagom. Hi rima mun dima yok mimpu na mem gima abicug-cug nyen ade siceu nya leu binhyepo ittin tut na e?

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YESAYA 14:27

tuhan Di Ninyeng Jei Bibor kos tut mem gima bon mun dima yok tu. Noni su ninda mem gima kes hukum ei tungwatu nya dip ba, hi dima ggai ser Noni tut bi.

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

MAZMUR 107:27

ibou sibui lene itti-tti nyen dem kep nok yo di idut kep pes di pu yok. Mbro nok gino igyai kep midyai nok timiei kibar nsi lo, bit bon igyai ibou tut kan bi.

MAZMUR 76:12

Jiyai bipek kep mun di jipreu ei mem Allah bak Noni. Ma mben ngkiai di ibong ttai je nya yahagom ittei ide munkwas kwei mem Allah di tungwatu nya ittin tut a.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

SAMUEL GI NICAN 17:14

Lene Absalom kin mben Israel yahagom ibuhup “Husai nipingok nyeti kei bibor dor njiriek Ahitofel nipingok nyeti.” tuhan kos tut bipia yo dima mice tut Ahitofel nipingok yokti di kei bibor dima bi leu binhyepo bindei ba, mun di buhun bibor micut igkep Absalom.

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

SAMUEL GI NIGOM 25:37

Njap ti tirigi Nabal nibou ngwakti kwes tu lene nitnem pui sut mun di mintun him Nabal nisibutti dima yok hagom bak. Leu api ninggwenti hwen ningon him ba, ningut titut yam nggicai bibor hak leu api bit bon yai no nyen bu kan bi.

MAZMUR 33:10

tuhan tte tut keret dihyeisi dini ingon kanti nya bibindei ba, hagom cut hacan. Noni bigen ser yok leu binhyepo igyai kep ingon kanti nya kan bi.

DANIEL 1:20

Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.

NIBOU NDIG NYA GI NICAN 1:2

Mpe di gom ne Ahazia di nok Nibou Ndig mem mben Israel cut nai bibor leu ninsi bas di binut ig ngat ninggre gi anai ei nide ig nibou ndig ei Samaria ba, nibokti buhun. Apino cuk tungwatu ba, yuug hig ser mben Filistin ei minu ndig Ekron ide kwar Baal-Zebub leu binhyepo ndo igbit tut nibokti di buhun dima pia mikei hanyen yo e, he mikei bi e?