YESAYA 18:4 - ALLAH NIHYET MEM TUNGWATU NYA

⁴ tuhan pai bida “Midicap leu dibongti di jo anai ug ei bijehei mu bidicap brei bou diyai him nyahan kin gi kwes noyam kin nggou di cut nding mem mmun di hou dut kui mem nijam nikos ningat kui ig gudanti. Diba diyai di kwes-kwau bicap bidem mpia di com nimig kwes kei mem mpia ngket.

YESAYA 18:4 ပူးပေါင်းရင်းမြစ်များ

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

YESAYA 26:21

tuhan mijuk kwei leu Nide gumihyep di gwam niti ei gwamti bikes hukum ei timiei dihyeisi nya dip drek dip ide sisar. Noni mimbot kep ide niyai nimai bak tungwatu niku di jo nding leu tungwatu igyai him apino mijo ei nibreisi. Dihyei miyon kep tungwatu di igyai nimai biyok tu nya bu bi.

YESAYA 18:7

Njap ngon bou mitau ne yo di isindem di inyeng jei pima cem timiei di intig bou jei di ingkek pap-nap kei di tungwatu dihyeisi dini hagom ittin tut yok nya pima cem mibon midut nikwas mun tut tuhan Di Ninyeng Jei Bibor. Yoni mijo leu ide minu di bon minyei ninda-nda di biam pima leu api ikwei ei Nungug Sion ei gumihyep di tungwatu nya ikuk yok bak tuhan Di Ninyeng Jei Bibor eisi.

YESAYA 14:32

Notou nibuhup bak yo di mben Filistin icuk yok kwei bigya hacan mem yo i? Nnaba nipai biyok bipia tuhan win Sion hanyen tu. Ba, Nide limwa nya di igyai ninghuisi wei migwam coi mpia dima bingwes ngun.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

SAMUEL GI NICAN 23:4

noyam kin mpia njap di piga bibor kei mem nijam di mpia kwes ba, noyam kin mpia njap di bindei ba, mintu-minta sieng kei mem nijam di mpia but nggilei cem.”

HOSEA 14:5

tuhan pai “Midinduk Ditde limwa di israwir tu nya hanyen kwei ndam Da leu api midiba dingon titut yam bingondut yok. Dingon misibui sut yok bu bi.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YESAYA 31:9

Ide nibou ndig ningon ttin bibor ba, yo di igya kui noni mittin tut ide siceu nya leu api minang bingwig bikes ide kendera nya bijo ei.” tuhan simbot dat tu. Nide limwa nya iba midut nindig mindhe ei nimbar hum dokti bikuk yok biNoni ba, inggei sut Noni ei minu ndig Yerusalem.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

MAZMUR 72:6

Asindui sut ba, nibou ndig ninyeng tak kepti noyam kin mpia di but kep miai nya kin biget di mbras kep susti.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.