YESAYA 18:3 - ALLAH NIHYET MEM TUNGWATU NYA

³ Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!

YESAYA 18:3 ပူးပေါင်းရင်းမြစ်များ

MAZMUR 50:1

Doia Asaf. tuhan Allah Di Sindem Bibor mbrap ba, Noni hara bak tungwatu dihyeisi dini hagom leu mpia nipriti ug bipek mpia nicutti.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 13:2

Ma jitas kendera pran nya ei nungug dip di nggrei nya! Ma jijem bak tentara nya bipia jisu jinda! Gima bindo tut nituti di injei bihwen dimbou pmem nya ei minu ndig di kon nonti dima.

YESAYA 13:4

Jimiap nihyet di ter ei nungug him di dem kep yo di imang bibor di idem yam ei ighyet dima. Jimiap minu ninyeng tak kepti nya kin ngkiai nya di idem yam ei ighyet di kui yam dima. tuhan Di Ninyeng Jei Bibor tin ei Nide tentara nya mem gima ikon pran.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 31:9

Ide nibou ndig ningon ttin bibor ba, yo di igya kui noni mittin tut ide siceu nya leu api minang bingwig bikes ide kendera nya bijo ei.” tuhan simbot dat tu. Nide limwa nya iba midut nindig mindhe ei nimbar hum dokti bikuk yok biNoni ba, inggei sut Noni ei minu ndig Yerusalem.

YESAYA 49:22

tuhan Di Ninyeng Jei Bibor pai bak Nide limwa nya “Midiyai bindo bak keret dihyeisi dini hagom di bindei ba, ibuwak jimunggwom bat nya hanyen kwei. Yoni miyohon jipmot bat nya bikon jipmisop bat nya bikes yok ei inghat dip kwei ndam je hanyen.

YESAYA 5:26

tuhan mijem mben ngkiai di ibong minu ting leu api yoni mibrim imig kwei!

YESAYA 7:18

Mpe dima lene tuhan mihig mben Mesir di imang bibor di noyam kin kros nya kwei leu Minyei Nil nibrig. Noni mihig mben Asyur di inoyam kin mimpam nya kwei leu itimieisi.

YEREMIA 22:29

Minu tde ug o, ma angig atingou mem mun di tuhan pai bije,

YEREMIA 51:27

Je di nibou ndig leu nite bei mpia nijjai e, jiyai bindo di bitto mem gima jicoi bijihwen! Jimiep pun mbrei leu binhyepo ngkiai nya yahagom imiap! Jinjei sut ngkiai nya bijikon pran bit mben Babel! Jicuk nibou ndig Ararat kin Mini kin Askenas bitut ide limwa nya ba, icoi bihwen. Jikon nibou pran gom mem gima bie tut nimpung tentara nya di icoi di ihwen dima. Jinjei sut kuda di nimangti dem nimpung hai nya.

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

MIKHA 6:9

Yo di ittin tut tuhan ingon ki. Noni tri tut nihyet bak timiei minu ndig bipai “Je di jinduk yam ei minu ndig dini e, ma jingig jitingou mem dihyet!

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

MATIUS 13:16

“Noro tut jeni lene jingon nggei-hi-nggei lewo jiyai piga ba, jitingou cem tu.

MATIUS 13:9

Niabiati Yesus ba nihyet nibit nindati bingginau yok lene pai biyok “Gino jitingou dile lene ma jiyok ngon kep dihyet!”