YESAYA 17:7 - ALLAH NIHYET MEM TUNGWATU NYA

⁷ Njap dima dem lene tungwatu mingkwei biyahara bak No Di Pai Tes yoni di Allah Israel di kwes-kwau bimpu yok.

YESAYA 17:7 ပူးပေါင်းရင်းမြစ်များ

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

YESAYA 29:24

Yo di ingon mbum mipikor tut ningon di huk niti lene yo di yahara kai ningginausi bikwop nya mingon kei sut ningginausi dima.”

YESAYA 22:11

Jibon bak minyei ei minu ndig ninsi bijiris minyei kwei leu ugyou gi nitimiei eisi. Noro jikiek joho leu Allah di tin ei ningon kanti tut mun dima yok hagom mimbrek ngan tu. Jibindei ba, hagom micut igkep je.

YESAYA 19:22

tuhan mimbas mben Mesir noro Noni mibindei ba, ikei hanyen. Yoni mikiek ndam tuhan leu api Noni mibuhup ide nadi bibindei ba, ikei hanyen yo.

NIBOHON MBEN ISRAEL GI NICAN 31:1

Tirigi ibon midut kep Njap Ndig Paskah ba, ikes inda tut leu su lene limwa nya intek bigya bikwop minu ndig ngot di jo bidem hanjop Yehuda hagom. Igya kep kwar nidihim ndig di itas pijum nya hagom bikki bindung-ndiem kei. Igya kep kwar ngot di ibon mem kwar Sop Asyera cem ba, ibindei tti ug ei dihyeiti. Igya kep nimbar hum dok nya kin mpia di ikuk yo bak kwar nya eisi cem bitimek hak ug. Igyai ibou tut gima ei mpia ttou nsi hiter ei minu Yehuda kin keret Benyamin kin Efraim kin Manasye nya ide hanjop nsi cem hagom. Gima leu api yahagom ingkwei hanyen ug ei ide minu ndig di ibong ser nya gom-gom.

SAMUEL GI NICAN 22:42

Yahara noro hi gimpu yok bi. Yahara tuhan noro Noni buhup ighyet bi.

MAZMUR 95:6

Jikwei ba, ikuk nye ei nimig him binggei sut Noni. Iba ibiau bicom mpia ei tuhan di pai tes nye Noho bei.

AMOS 3:12

Bit leu nok gembala di yai domba di singa ham nikien cin kin nitingou meng gom he ba, gima bindo tut mben Israel di ibong kei-kau ei ibongti di nggriu-nggrop kei ei Samaria ba, ibou poi he mingwes ngun.”