YESAYA 17:1 - ALLAH NIHYET MEM TUNGWATU NYA

¹ tuhan pai “Minu ndig Damsyik miwer no minu ndig bu bi. Noro miwer mun ig kum kroisi di kui sur mpia he.

YESAYA 17:1 ပူးပေါင်းရင်းမြစ်များ

ZAKHARIA 9:1

Gini ne tuhan nihyet di sok ri. Noni kos tut mem gima kes hukum ei minu Hadrakh kin minu ndig Damsyik dip. tuhan ninyeng tak kep keret Israel nya he noro bitut minu ndig pmem di Siria cem.

YESAYA 25:2

Abindei timek minu ndig nya ba, anggek tentara nibousi di igya coi nya bisinsiou cem tu. Ig nibou ndig di ngkiai nya iwin dima sar hak. Lene iwin hanyen bu bi bijo ninno bijo kikau.

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

MIKHA 1:6

Gima rino tuhan pai “Midibindei ba, minu ndig Samaria timek bingwig leu api nigkumti minok ha ngunti leu api tungwatu nya mita ba anggur ei mpia dima. Midinjei tig di jo-jo yam dip ei minu dima hagom ug ei mbang briepti bidinggek nikiou nya.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YESAYA 7:8

lewo mben Siria ibon ide minu ndig nibousi ei Damsyik ba, Nibou Ndig Rezin ninyeng tak kep minu ndig Damsyik sri bibou mben Israel icut bak ide siceu nya di mihwen yok bitimek bingwig ei nijam ari bingwam ningot muhwindagom ba, muhwi ngwig ug e.

NITRITI 14:15

Lene Abram kwas nide limwa nya ei nimpung poi leu api igya kep yok bihwen yok mem mmun bibindei timek yok. Lene noni huk bram yok kikau ug ei minu Hoba ei minu ndig Damsyik nijjai.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

YESAYA 37:26

Agimiap tut gi dikos tut dingon kanti dima yok habiei nipou yo kwei su bigyo sren e? Tini bu ne diyai mun bipek kep dingon kanti dima ri. Dani rino diyai nisindemti dima bina dino abiya kep minu ndig di bon tentara nibousi di igya coi nya di timek ba, wer ig kum kroi cem ug a.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 15:1

Gini ne tuhan nisokti tut mben Moab ri. Siceu nya ibindei sar minu ndig Ar kin Kir mem mmun gom ngat leu api mpia mbum-brati minggai kep minu Moab bram.

YESAYA 13:1

Gini ne Allah nisokti di Yesaya di Amos nipmot yai di bitut mben Babel ri.

YESAYA 10:9

Diyai minu ndig Kalno kin Karkemis kin minu ndig Hamat kin Arpad bidiyati tu. Diyai minu ndig Samaria kin Damsyik bidiyati tu.

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

NIBOHON MBEN ISRAEL GI NICAN 28:23

Ahas bindei ba, mun di buhun bibor cut igkep nonti kin nide limwa nya tug hon gi bui mindhe-ndhe bindig ei nimbar hum dokti bak mben Siria po ibindei timek noni tu pima ide kwar di ikuk yok bak nya hanyen. Lewo kan “Mpaba mben Siria ide kwar nya impu nibou ndig mben Siria. Ba, gino sa sibui mindhe bisindig ei nimbar hum dokti bak kwar dima ne hi rima mimpu sani cem a.”

NIBOHON MBEN ISRAEL GI NICAN 28:5

Gima rino nide tuhan Allah sindui sut ba, nibou ndig mben Siria bindei timek Ahas drek dip nide sisar. Lene bikat timiei Yehuda nya imang bibor bikri yok ug ei Damsyik ba, inok awak ei ingkiaisi. tuhan sindui sut ba, Nibou Ndig Pekah di Remalya nipmot leu mben Israel cem bindei timek Ahas de limwa nya biyai nimai bak tentara timiei Yehuda nya di mimbri kui ingkek nya ibou sribu sratus gom ningot can mem njap gom ngat he. Idigup bat-idigai bat nya ide tuhan Allah sindui sut mun di buhun dima yok hagom bicut igkep yok lewo timiei Yehuda nya igibit tuhan Nihyet bu bi.

NIBOU NDIG NYA GI NICAN 16:9

Lene Nibou Ndig Tiglat-Pileser ce tut Ahas nahara noti leu api njei siceu ba, hwen minu ndig Damsyik leu lene yai ba, yati. Lene kat timiei minu ndig dima yahagom bikri yok ug ei Kir ba, isima lo, yai nimai bak ide Nibou Ndig Rezin.

NITRITI 15:2

Lene Abram buhup “tuhan Di Ninyeng Jei Bibor e, midinggon ndei gi kei nindig bibor di ayai bida dima i? Lewo diyai dimunggwom hi bi ba, ditde awak di Eliezer leu Damsyik mporo miba nokep ditde ndigban hagom.

NIBOHON MBEN ISRAEL GI NIGOM 18:5

Tirigi mben Siria ei minu ndig Damsyik ipinak tentara mem gima impu Nibou Ndig Hadadezer lene Daud hwen yoni bicut ba, nimbiam di hwen yok nya ibou sribu nyatungwagom can.

NIBOU NDIG NYA GI NIGOM 11:24

Nibou Ndig Daud bindei timek Hadadezer dini nipou pini jug biyai nimai bak Hadadezer nisut bat di mben Siria nya cem tu. Mpe dima lene Rezon nang leu Hadadezer lene nduk nimpung niyok nisinsiou eisi cig nya ba, ibicom yam bit noni bindo noni nok nibou mem yok. Noni ya tut yok biyuug ei Damsyik lene ibibong cem ei minu ndig dima leu api nide limwa nya ikon noni binok nibou ndig di ninyeng tak kep mben Siria.

NINDAT KEP TUHAN NICUKTI NYA 13:16

Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

YESAYA 7:16

Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.