YESAYA 16:2 - ALLAH NIHYET MEM TUNGWATU NYA

² Igwam bimem kep ser ei Minyei Arnon nipimat ba, iba ingon di tai-tai bou biya-ya nyen ba, idem kep ha di yuhuk leu naham pimo.

YESAYA 16:2 ပူးပေါင်းရင်းမြစ်များ

NIPINGOK NINGONTI 27:8

No di mbut minu ting leu nitimieisi rinoyam kin ha di dimba minu ting leu nibasa.

NIJAM NIKEI NYA 11:18

Leu api ibinut nimbut bu ba, ikes yok kak iggum ndigsi lo, imbut bijiriek minu Edom kin Moab bi. Noro imbut ba, isir kikau biyuug krau minu Moab nite bei mpia nipriti ei Minyei Arnon nite dima ug. Lene yohok ide prak meng yati ei sirima noro igisigon minyei Arnon biyuug dihip ei nite dima ug bi. Lewo minyei dima ne minu niya kwas yamti mem minu Moab ninyeng tak kepti ri.

YEREMIA 48:20

Yoni ibuhup ‘Minu Moab cut ba, bon ninyeng bu bi su. Gima rino ma jipim tut ndina. Jipai sut bidem yo di ibong dideu Minyei Arnon ninggup ug bipek kin nibrig bipia minu Moab timek tu.’ ”

YESAYA 13:14

Ngkiai di ibong ei Babel nya mintek gimahap ba, tungwagom-gom nang ug ei nitimieisi hanyen. Idem kep rusa di nang leu no di huk no pimo. Nok gima cem idem kep domba nya di ibon ide gembala bi.

YOSUA 13:16

Ide hanjop nsi ne minu niya kwas yamti ei nite bei mpia nibiho ei minu ndig gom ei Mbang Briep Minyei Arnon nyai nahacanti bitut minu ndig Aroer ei mbang briep dima nite dini kwei lene nibresti nite bei mpia nijjai bikrop ttai briep bou him di jo ttai minu ndig Medeba.

NINDAT KEP TUHAN NICUKTI NYA 3:12

“Tirigi nyeni ibrim minu dima ba, nok ide tu lene dikwas dihyei di jo bei Aroer nijjai nite bei mpia nijjai dideu Minyei Arnon nyai kin nungug him ei Gilead nite hi bitut minu ndig nya di jo niti hagom tut keret Ruben kin keret Gad.

NINDAT KEP TUHAN NICUKTI NYA 3:8

Mpe dima ne nyeni ibrim minu di jo Minyei Yordan nite bei mpia nipriti ei Minyei Arnon kikau ug bipek kin Nungug Hermon leu nibou ndig mben Amori cin dima. (

NINDAT KEP TUHAN NICUKTI NYA 2:36

Nyeni igyai yo dima ide minu ndig nya hagom bigyati tug hon ide tuhan Allah di sindem tut nye. Ikinyon ei niyai minu ndig Aroer ei Mbang Briep Arnon ninghas him kin minu ndig di jo hacan ei briep dima kikau ug bipek kin minu ndig Gilead bigyati. Minu ndig hi bon ngug tig ngkiem bibor di bikrop ttai ser nyeni bi.

MBEN ISRAEL IMBUT-MBUT NYEN 21:29

Aye, mben Moab e, buhun mem jeni! Je di jikuk je bak Kamos e, jisar ri! Jide mun di jikuk je bak dima sindui sut je ba, jinang ug ei jingkiaisi. Nibou ndig mben Amori kat jide sop nya bimbut tut.

NIBOU NDIG NYA GI NICAN 3:4

Ei nijam dima ne Mesa di nok nibou ndig mem mben Moab hyen kep nide domba nya. Noni ba domba pmot ningut sribu sratus gom kin ninta leu domba nikre ningut sribu sratus gom bigo belasten bak nibou ndig mben Israel bikwop ari bingwam kikau.

NIPINGOK NINGONTI 26:2

Nisigion nya mipo leu no di bon mun di tunggwei hi bi dem kep nok ha cincau di ko-ko nyen lo, teu ei biei nda dip bi sren.

YEREMIA 48:9

Atas tig nibitto nimai jui mem minu Moab lewo jei bi ne minu dima timek krebou hak ug ri. Timiei Moab nya cem yahagom itti bingwig lene tungwa hi di bong ei sirima bi.”

YEREMIA 48:46

Buhun bibor mem mben Moab! Dibindei sar timiei minu Moab di ikuk yok bak Kwar Kamos yahagom leu api siceu nya ikat munggwom di ide nya nok yo di isima biyuug sut.