YESAYA 15:2 - ALLAH NIHYET MEM TUNGWATU NYA

² Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YESAYA 15:2 ပူးပေါင်းရင်းမြစ်များ

SAMUEL GI NICAN 10:4

Ipingok ningonti nok apino Hanun kat yo di Daud pinak yok kwei pima ba, kak yuhui nta nite hi leu lene kos ide sinsun leu yok bijo sur intig bou leu api cuk yok bingkwei hanyen hak ug.

NIBOHON MBEN ISRAEL GI NIGOM 19:4

Gima rino Nibou Ndig Hanun kat yo di igya kui Daud pima bikak yuhui nta leu cem kos sinsun di ide leu yok bijo sur intig bou hak cem leu api cuk yok bingkwei hanyen.

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

YESAYA 14:31

Minu ndig Filistin nya e, ma jipim kui jei bijahara mem tungwatu nya ikwei mpu je! Ma jahagom jihyet kui yam tut ba, jidigit ei yamti! Bumbuhui ttou gom di nok dihyei ntui kui dat mpia-bbed him leu nite bei mpia nijjai ba, bindo tut nimpung siceu di injei kwei ri. Ba, nibindei ttin cig hi srig ikieti bi.

YESAYA 15:3

Tungwatu di igya-ya nyen kak simpak nya ijuk sinsun kron di bindo tut gi yuum ningon nggukti. Ipim nggruet ei biyati kin ig ninjek hu kwei cem.

YESAYA 16:12

Mben Moab igruap nikui mbigdip ug ei ide mpia di ibon midut bingat nadi bak ide kwar di ikuk yok bak eisi. Noro nadi di ide dima hi gi miap bi.

YESAYA 16:7

Gima rino nnaba mben Moab ipim kui jei sut yam. Gino ingon kan njita di kei di igyem kep ei minu ndig Kir-Hareset bingon ngguk tut lene nnaba ipim bibikiek ug. Nnaba ingon ku yonti ba, inso-nso nyen hak ug.

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YESAYA 3:24

Nogindini yoni iba mini ibou di ui-gwang kei biprok yonti noro niabiati ne inghap mpiei. Midiba kuk di singga biluei ide bang di nggriu-nggrop kei di ibikri intig bou. Yoni mikak ibou nta di kei-kau leu ibou bile. Iba sinsun di rik-ta biluei ide sinsun di nggriu-nggrop kei nya. Yuubuti mipror hanyen leu yok lewo dibindei ba, nimmai nggai kep yok.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 47:2

tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEREMIA 47:5

Ningon ngguk biborti cut igkep timiei Gaza nya. Timiei Askelon nya igwam bibbwe ei yamti. Mben Filistin di niken-ken nya ingon ngguk kikau bipek apig bu i?

YEREMIA 48:1

tuhan Di Sindem Bibor di Allah Israel pai sut minu Moab “Buhun bibor mem timiei Nebo lewo ide minu ndig lus tu! Siceu nya icoi bihwen Kiryataim leu bigyati ba, igya kep nide tentara nibousi di igya coi bitimek. Apino timiei minu ndig dima igwam nimmaiti.

YEREMIA 48:18

Je di timiei minu ndig Dibon e, ma joom je leu jide mpia di yai ninyeng jei ba, jigwam ei dihyeisi kin atriemti. Lewo no di nggek ade minu Moab kwei krau su ba, noni mibindei timek jide tentara nibousi nya hagom ri.

YEREMIA 48:31

Gima rino dipim kui jei sut jeni kin timiei minu ndig pmem di Kir-Heres cem jahagom.

YEREMIA 48:35

Midibindei ba, mben Moab ikes inda tut gino ibon midut nindig mindhe-ndhe nya ei humti ei mpia di ikuk yok bak kwar eisi nya. Da di tuhan disimbot dat tu.

YEREMIA 49:3

Je di mben Hesybon e, ma jipim lewo minu ndig Ai timek tu! Sop timiei minu ndig pmem Raba jen e, ma jipim kui jei! Ma jijuk sinsun kron di bindo tut jingon di ngguk. Ma jiba jingon tai-tai bou bittei yam kui-juk nyen. Siceu mikat jide Kwar Milkom bitut nide imam nya kin yo di igya kui nibou ndig ninyeng tak kepti nya yahagom bicom yok ei ingkiaisi!

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEHEZKIEL 27:31

Ikak ibou nta leu ba, ijuk sinsun kron cem lewo ingon ngguk drek dip na. Iba ingon di ngguk bibor bipim kui jei sut mun di cut igkep na.

YEHEZKIEL 30:2

“Na di tungwatu di ayaijo kikau bi e, ma atri tut ahyet ba, abipai bak mben Mesir tut mun di Da di tuhan Di Dinyeng Jei dipai biyok nya.

YEHEZKIEL 7:18

Yoni mijuk sinsun kron ba, idigit-digoi. Ikak ibou nta apino hiter ingwes pri gau yok drek dip ide nimmaisi.

IMAM NYA IDE MIDYAI 13:40

Gino no di pinai nibou llet leu nibou nggram him lene gima bindei ba, map kui noti bi.

IMAM NYA IDE MIDYAI 21:5

Harin dima imam hi kak nibou nta ndrim hi leu nibou ba, kos nuhui nta cem leu a. Harin dima noni ba mun di nggwen biciu ningut mem bindo tut bipia no gwam ningon di nggukti yo a.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

MBEN ISRAEL IMBUT-MBUT NYEN 21:28

Mpe di gom ne tentara Sihon ikiju leu minu ndig Hesybon dini dem kep hum di yem minu ndig Ar ei minu Moab bingkiong lene ibiya kep mbigdip nya di sir Arnon bipek kin nibrigya.

MBEN ISRAEL IMBUT-MBUT NYEN 21:30

Noro tini bu ne ide nintun him yamti di bram yam nya yahagom isar bingwig kak puig leu Hesybon kikau bipek kin minu mien Dibon dideu minu ndig Nasyim kikau ug bipek kin minu ndig Nofah di dideu minu ndig Medeba cem.”

MBEN ISRAEL IMBUT-MBUT NYEN 32:3

“Minu dini bitut minu ndig di Atarot kin Dibon kin Yaezer kin Nimra kin Hesybon kin Eleale kin Sebam kin Nebo kin Beon,

MBEN ISRAEL IMBUT-MBUT NYEN 32:38

kin Nebo kin Baal-Meon kin Sebam hanyen. Noro iluei minu ndig di iwin hanyen dima hagom ninyeng hanyen.

NINDAT KEP TUHAN NICUKTI NYA 14:1

“Jeni ne tuhan Allah de limwa nya ri. Gima rino mpe di jingon ngguk tut nimai lene harin dima jidigo jingkek dip ba, jikak jibou nta bei jingwak dip leu cem noyam kin ngkiai nya igyai kepti a.

NINDAT KEP TUHAN NICUKTI NYA 34:1

Lene Musa jo leu briep ndig Moab bikui ug ei Nungug Nebo kikau ug ei mbigdip Pisga di jo bei mpia nipriti hammi Yerikho di jo bei mpia nicutti. Tirigi noni kui su lene tuhan ndo minu Kanaan hagom brei binoni leu api noni cap minu Gilead kikau ug bipek keret Dan ide hanjop nsi di jo bei mpia nijjai.