YESAYA 14:2 - ALLAH NIHYET MEM TUNGWATU NYA

² Mben ngkiai imang bibor mimpu mben Israel mem gima ingkwei hanyen kwei ei itimieisi di tuhan yai biyok. Ngkiai nya minok awak mem mben Israel ei sirima. Mben Israel mikat yo di nipou ikat yok pima lene inyeng mitak kep yo di nipou ico kep yok.

YESAYA 14:2 ပူးပေါင်းရင်းမြစ်များ

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

YESAYA 18:7

Njap ngon bou mitau ne yo di isindem di inyeng jei pima cem timiei di intig bou jei di ingkek pap-nap kei di tungwatu dihyeisi dini hagom ittin tut yok nya pima cem mibon midut nikwas mun tut tuhan Di Ninyeng Jei Bibor. Yoni mijo leu ide minu di bon minyei ninda-nda di biam pima leu api ikwei ei Nungug Sion ei gumihyep di tungwatu nya ikuk yok bak tuhan Di Ninyeng Jei Bibor eisi.

YESAYA 31:8

Mben Asyur mikon pran bit ide siceu nya noro micut biyok tug hon tungwatu nya ide nisindemti bi. Tentara Asyur minang leu ide siceu nya leu api ide pinai pilei nya minok awak mem yoni.

YESAYA 45:14

tuhan pai bak mben Israel “Jinyeng mitak kep mben Mesir kin Sudan nya ide njita kin ndigban kin mitiei hagom. Mben Syeba di intig bou jei minok awak mem je bu. Mijiba lante biteu yok leu api yoni igya abia kep je. Yoni mikuk yok ei jimig him bipai jit ‘tuhan ningat rin bit je ba, Nongkom ngat he rino tuhan. Kwar di ikuk yok bak ne allah nijit rin bi!

YESAYA 49:22

tuhan Di Ninyeng Jei Bibor pai bak Nide limwa nya “Midiyai bindo bak keret dihyeisi dini hagom di bindei ba, ibuwak jimunggwom bat nya hanyen kwei. Yoni miyohon jipmot bat nya bikon jipmisop bat nya bikes yok ei inghat dip kwei ndam je hanyen.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 49:25

Lene tuhan buhup “Mun dima mipek kep ri. Miditeu yo di tentara ikat yok tu nya bingwes ngun. Midipos ndigban di nibou pran pos tu nya bingwig leu noni. Lewo midihwen jide siceu nya biditeu jimunggwom bat nya ba, ingwes ngun.

YESAYA 54:3

Lewo ade minu mikum ei nibresti ei nite bei anda com kin anda prak. Ade limwa nya inyeng mitak kep ide dihyei ninda rom di mben hiter nya ipos leu na tu. Ba, yoni mibong kei migwam kei ei ide minu ndig nya di nogindini nok ha ngunti he pima.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 60:4

Ma amian ttai na ba, ayok ayai kep mun di sindi pek kep mem na! Ade limwa nya imbus yam ei su ba, sindi induk yam kwei ndam na. Apmot bat nya no ikwei leu minu ting kwei lene tungwatu nya yuusap apmisop bat nya kwei.

YESAYA 61:5

Ditde limwa jen e, ngkiai nya minok awak mem je. Yoni mighyen kep jide domba nya ba, igyai miai mem je lene inyohou jide ba anggur nghousi nya cem.

YESAYA 66:12

Lewo tuhan pai “Midiyai nibong kei nigwam keisi di dem kep minyei di biam kikau bije. Ngkiai nya mipwoi ide ndigban di inyeng tut nya di dem kep minyei di kui mpia bigyai bije. Ba, mijidem kep munggwom di dut kep nipmem nido ngei cem di nipmem hon kin no cem di nipmem prios-prios nyen bipai-hi-paisi cem.

YEREMIA 30:16

Noro tini bu ne midipinde yo di ipinde je yahagom. Ngkiai nya mikat jide siceu nya yahagom bikri yok ug ei ingkiaisi. Midico kep yo di ico kep je bidipos ndigban leu yo di ipos jide ndigban yahagom.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEHEZKIEL 39:10

Ba, suar yuug ei miaisi mem gima irop biei bi suar yuug ei bahamti mem gima iwim biei di mui cem bu bi. Lewo minggwen di nimbiam imai leu dima yok mang bibor bidem mem gima ibindig kigkep huma. Yoni mipos ndigban bicat ningwig leu yo di nipou yo ipos ide ndigban ba, icat ningwig leu yok hanyen bu. Da di tuhan Di Dinyeng Jei Bibor disimbot dat tu.”

DANIEL 7:18

Noro Allah Di Ninyeng Jei Bibor De limwa nya migyai nisindemti leu binhyepo inyeng tak kep tungwatu nya yahagom ba, ide ninyeng tak kepti dima jo ninno bijo kikau.”

YOEL 3:8

Midisindui sut ba, tungwatu nya mitri jipmot bat kin jipmisop bat nya binok awak mem timiei minu Yehuda leu api yo dima mitri yok bak mben Syeba di ibong ei minu ting bibor apino inok awak hanyen bu. Da di tuhan disimbot dat tu.

IMAM NYA IDE MIDYAI 25:44

Gino jisuar awak nya lene ma jiba mitiei biwim yok leu ngkiai nya di ibong ttai je.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

ZAKHARIA 2:13

Ma jahagom jigwam nyahan ei tuhan Noho bei! Lewo Noni sindi jo leu nigwam kepti ei gwamti kwei su.

ZAKHARIA 2:9

“tuhan Nonti mihwen bit jeni! Ba, jide awak di nipou nya mihwen je bipos ndigban jide ningwig leu je. Mpe dino mun dima cut igkep je ne mijikan tut bipia tuhan Di Sindem Bibor cuk da hwou ndam je tu.”

LUKAS 12:45

Noro gino awak dima kan ‘Siceu ug bong ninno ba, mikwei hanyen bigyo’ lene noni sindi hwen bit awak nindigsi nya biyem njita ba, dut ndia ngei di pu noni.

ROMA 15:27

Ice tut yam hyet bit leu yonti ingon kanti. Noro ningat ne yoni ibon ningwam bak isut bat yo di ingon jo kep di yuhui mbum nya ei minu ndig Yerusalem drek dip Allah de mun di kei di bitut innei di mben Yahudi ikwas tut yok. Gima rino ma ngkiai nya iba ide mun di dihyeisi dini birop mben Yahudi ide ningwam hanyen biyok.

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

GALATIA 5:13

Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.

EFESUS 4:8

Allah nihyet pai a, Tirigi Noni kui ug ei ginyo kug ne Noni buwak yo di isima nya imang bibor bibit Noni leu api njei nisindemti nya bak tungwatu nya.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.