YESAYA 13:8 - ALLAH NIHYET MEM TUNGWATU NYA

⁸ Nittin biborti micut igkep yo dima yahagom. Yahara inghuisi di wei noyam kin sop di ninghim dut di bigwam tut nimunggwom. Yoni miba ingon di digit bitou kep yam yaisi ba, iimaisi hai lewo igwam nimmaiti.

YESAYA 13:8 ပူးပေါင်းရင်းမြစ်များ

NIBOU NDIG NYA GI NICAN 19:26

Akon pran bit timiei minu dima yok lene isindem bi ba, ittin tut ba, idigit tut cem. Lewo inok minta bidem susti kin minta di hei ei ig bou ninjek dip di mui bingwig tirigi hou di dut bibor cut kwei leu mpia nipriti.

MAZMUR 48:7

Igwam nittin kin nidigitti ei mpia dima binggwen dem kep sop di ninghim dut dideu nisrekti pimo ba,

YESAYA 26:17

tuhan e, abindei ba, nidem kep sop di ninghim dut mem gima gwam tut nimunggwom di dahat kukwei ninghusi nyen ba, hara ninghusi di wei.

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YEREMIA 30:6

Ma jikan-kan nyen tut ba, jibingig jiyai kep mun nyeng gom. Bon no di pinai srek tut nimunggwom e? Gi bi ne nggon rino dingat bikwop pinai nya iimaisi hai di iba inda bikat kep inghopti dem kep nok sop di srek tut nimunggwom i?

YEREMIA 4:31

Dimiap nahara ninghuisi wei di noyam kin sop di ninghim dut tut munggwom. Minu ndig Yerusalem pim bininnei cun tut noyam kin sop gwam nitta pilei di sindi srek tut nimunggwom gi nimbie him. Noni su ninda nyen-nyen bahara “Buhun bibor mem da o! Siceu mikwei yai nimai bida ug rin o!”

YEREMIA 46:5

Noro Da di tuhan dingat lo, tentara dima ingon ttin bibor ba, isujou leu ide siceu nya di ibindei timek yok ba, iba nittin binang bihigom lene igikiek kep inghim dip bi.

YEREMIA 48:41

Yo dima migyai minu Moab kin tentara nibousi di igya coi nya bigyati. Tentara Moab nya mittin bibor noyam kin sop di sindi ninghim dut bigwam tut munggwom.

YEREMIA 49:22

Siceu micut kwei bisus minu ndig Bozra noyam kin ha krubri di kieng ninyehei bicut bisus mun di yem a. Ei njap dima ne mben Edom mittin bibor bidem kep sop di ninghim dut di gwam tut munggwom a.”

YEREMIA 49:24

Timiei Damsyik nya inghuisi jet hak ba, iba ingon di ttin bibor binang. Ninggwenti kin ninghuisi weisi hwen yok bidem kep sop di ninghim dut di gwam tut munggwom a.

YEREMIA 50:43

Nibou ndig minu Babel miap tut nibimbiti dima lo, bitbon yai no nyen bu kan bi. Nittinti ngot no bingkiem ba, noni tug ndei ninghuisi wei dem kep nok sop di tta buhun di ninghim dut di gwam tut munggwom a.

YEREMIA 51:30

Tentara Babel ikes inda tut nikon pranti leu ba, igwam bidem tentara nibousi di igya coi nya di ibicuon igyaisi nya tu. Lewo mimbri cut leu yok ba, ibrim ingkek ba, isindem bu bi. Siceu nya inggek dimbou pmem ei minu ndig dima leu ba, icoi bindig ig nya tu.

YEHEZKIEL 20:47

Acuk baham dima bimiap kep mun di Da di tuhan Di Dinyeng Jei Bibor dipai bak ‘Angig atingou mem dihyet! Miditin hum di njeng ba, hum dima miyem biei di jo bina nya bingwig bitut biei nimui cem ningun cem hagom. Bit bon tungwa hi dima mu hum di ninjeng cig-cai dima kan bi. Hum dima midwim mpiati ei mpia nibiho kikau ug ei mpia nijjai ba, nidut-yemti mipijuk yahagom.

HOSEA 13:13

Nituti mem mben Israel igyaijo tau su noro ingon mbum bibor bibrim ingkek mem nituti dima bi. Inoyam kin ningwoi-ngwoi di kou sut gima srek kwei leu nipmem ninghopti.

YOEL 2:6

Tirigi hai ceng dima yok injei kwei lene tungwatu nya yahagom idigit tut nindig bibor ba, iimaisi hai sut cem.

NAHUM 2:10

Minu ndig pmem Niniwe timek hak leu api mpia ntus bram ba, wer iggum ndigsi. Timiei nya ingon kou sut lewo ittin. Ibiau mbris bidigit cem. Yahagom iimaisi hai bisieng kei bi.

YOHANES 16:21

Bit leu nok sop di tta buhun ba, dideu nigwam tut munggwomti lene ningon buhun lewo tto bou dem mem ninghim dut. Noro tirigi srek tut munggwom leu su lene ningon prion ser nide ningon buhunti lewo ningon llei sut munggwom di noni srek tut ei dihyeisi dini.

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.