YESAYA 13:7 - ALLAH NIHYET MEM TUNGWATU NYA

⁷ Bikwop tungwagom-gom ningkek kan gi ninda mai ba, nibrim ningkekti cut.

YESAYA 13:7 ပူးပေါင်းရင်းမြစ်များ

MAZMUR 58:7

Allah e, adahat ikwai nya. tuhan e, atiba mindhe singa nehen pap dima yok ikwai di tuk leu.

NEHEI LEUSI 15:15

Mben Moab di inyeng jei nya yahagom ittin nindig bibor ba, timiei minu Kanaan nya yahagom ingon cut leu su.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 37:27

Yo di ibong ei sirima igyai ideti bi. Idigit tut je ba, nittinti om kep yok bibor. Idem kep minta di hei ei ngoisi kin ig ninjek dip di hou mpia priti di dut bibor cut bikuisi di mui bingwig hak.

YESAYA 51:20

Ade timiei nya ide nisindemti ngwig leu yok bitti bibong ser bikwop puig nuhuisi hagom. Idem kep rusa di biam bon pimo. tuhan niggati cut bihwen yok ba, itug ndei Allah nikon nihyet kep yokti tu.

YEREMIA 50:43

Nibou ndig minu Babel miap tut nibimbiti dima lo, bitbon yai no nyen bu kan bi. Nittinti ngot no bingkiem ba, noni tug ndei ninghuisi wei dem kep nok sop di tta buhun di ninghim dut di gwam tut munggwom a.

YEREMIA 51:30

Tentara Babel ikes inda tut nikon pranti leu ba, igwam bidem tentara nibousi di igya coi nya di ibicuon igyaisi nya tu. Lewo mimbri cut leu yok ba, ibrim ingkek ba, isindem bu bi. Siceu nya inggek dimbou pmem ei minu ndig dima leu ba, icoi bindig ig nya tu.

YEHEZKIEL 21:12

Na di tungwatu di ayaijo kikau bi e, apim nggruet ba, abahara! Lewo singau simeda dima tin ei mem gima hwen Ditde limwa nya bidat Israel ide nibou di ibie tut yok nya bitut ide limwa nya titut yam leu api yahagom misar. Gima rino ma aba angon di ngguk bibor bittem angon him.

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 7:17

Tungwagom-gom ninda mbris ba, nibiau digit.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

NAHUM 2:10

Minu ndig pmem Niniwe timek hak leu api mpia ntus bram ba, wer iggum ndigsi. Timiei nya ingon kou sut lewo ittin. Ibiau mbris bidigit cem. Yahagom iimaisi hai bisieng kei bi.

NAHUM 2:11

Nogindini minu ndig dima no hantou i? Minu ndig dima dem kep hak mihyeti di singa itot yaham eisi kin mpia di ibrig-brig nyen mun di igyem bigyai bak singa pmot nya eisi. Bidem kep mpia di singa nikre kin niwek nya yuug eisi kin mpia di singa pmot nya igya coi.

YOSUA 2:11

Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.