YESAYA 13:5 - ALLAH NIHYET MEM TUNGWATU NYA

⁵ Yoni ikwei leu minu di jo ting bibor ei dihyei nohon keti. tuhan ba nigga biyai yo dima mem gima ibindei sar dihyeisi dini titut yam.

YESAYA 13:5 ပူးပေါင်းရင်းမြစ်များ

SAMUEL GI NICAN 1:27

Ide tentara di mimbri kui ingkek icut bak ide siceu nya ba, ide minggwen nya pror ningwig leu yok.”

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

YESAYA 13:17

tuhan pai “Mporo dipingok mben Madai ingonti leu api injei bihwen mben Babel. Dem tut gima hi ba mas kin perak bingot kep yok bi.

YESAYA 24:1

tuhan mibindei sar dihyeisi dini. Apino dihyeisi dini ngoi ba, mpia mbum-bra bram. Noni minggek bikiek ninjek dip bibindei ba, timiei dihyeisi dini intek gimahap.

YESAYA 26:20

Ditde limwa nya e, ma jicoi ug ei jide ig leu api jinggam dimbou a. Jiku je sri bibou tuhan niggati cut leu e.

YESAYA 30:27

tuhan de nisindemti kin ninyeng jeisi jo brei mem nye leu Nide mpia di ting tu. Hum kin hum mmup bindo tut niggati. Ba, Noni mbrap lene nihyet noyam kin hum di yem mpia.

YESAYA 34:2

tuhan gga ngkiai nya yahagom bitut ide nimpung tentara nya cem. Noni mikes hukum ei yok dip ba, bindei sar yahagom.

YESAYA 48:14

Ma jahagom jidem yam ei ba, jimiap! Bit bon kwar di tungwatu nya ikuk yok bak nya hi ndo igbit no di didimig ei mem gima njei bihwen minu Babel bi sren. Noni miyai igbit dingon kanti.

YESAYA 5:26

tuhan mijem mben ngkiai di ibong minu ting leu api yoni mibrim imig kwei!

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

YESAYA 7:18

Mpe dima lene tuhan mihig mben Mesir di imang bibor di noyam kin kros nya kwei leu Minyei Nil nibrig. Noni mihig mben Asyur di inoyam kin mimpam nya kwei leu itimieisi.

YEREMIA 50:25

Suar Da di tuhan Di Dinyeng Jei kin tuhan Di Sindem Bibor diyai midiyai ei minu Babel. Gima rino dikau dimbou leu Ditde ig gudan di minggwen joti bijo hak. Diba Ditde nigga biborti bindei hei minggwen dima yok.

YEREMIA 50:3

Mben ngkiai nya gom mikwei leu nite bei mpia nijjai binjei siceu kwei bihwen mben Babel lene bindei minu dima biwer iggum ndigsi ri. Tungwatu nya kin mindhe-ndhe nya inang ningwig leu ba, hi dima bong ei minu dima bi.”

YEREMIA 50:9

Midiba ngkiai nya di isindem bibor di ikwei leu nite bei mpia nijjai bicom yam mem gima injei bihwen minu Babel. Yoni midimig ide nimpung tentara mem gima ikon pran bibindei timek yok cem. Yo dima ne tentara di ikri tibor kan di iprindei tunggwei kan bi ri.

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

YEHEZKIEL 22:31

Gima rino nogindini dikes Ditde nigga biborti ei yok dip. Dinok hum ba, dibindei sar yoni drek dip ide nibon munti nya. Da di tuhan Di Dinyeng Jei Disimbot dat tu.”

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”