YESAYA 13:2 - ALLAH NIHYET MEM TUNGWATU NYA

² Ma jitas kendera pran nya ei nungug dip di nggrei nya! Ma jijem bak tentara nya bipia jisu jinda! Gima bindo tut nituti di injei bihwen dimbou pmem nya ei minu ndig di kon nonti dima.

YESAYA 13:2 ပူးပေါင်းရင်းမြစ်များ

MAZMUR 60:4

Abindei ba, dihyeisi dini ugwa-kwei lene gima bindei ba, dihyei ninjek dip kimbo. Akinding nikimboti nya hanyen lewo dihyeisi dini krup tut nye ri.

YESAYA 10:32

Njap di ammani ne siceu nya ingat rin ei minu ndig Nob tu. Ba, ikimut inda bitug mpia ndam Nungug Sion kin minu ndig Yerusalem.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 11:15

tuhan mibindei ba, muk nuhuisi Suez pingge leu api hou di dut kui bibindei ba, Minyei Efrat nok minyei pmot muhwindacan di jut bi. Ba, tungwagom-gom ba srop he bisigon ug ei nite hi.

YESAYA 18:3

Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!

YESAYA 19:16

Njap ngon bou midem leu api mben Mesir minok sop di digit-digit wai kin sop di ttin-ttin wai. Mpe dino ingat tuhan Di Ninyeng Jei Bibor kon ninda mem gima kes hukum ei yok dip ne idigit-digoi lewo ittin.

YESAYA 31:9

Ide nibou ndig ningon ttin bibor ba, yo di igya kui noni mittin tut ide siceu nya leu api minang bingwig bikes ide kendera nya bijo ei.” tuhan simbot dat tu. Nide limwa nya iba midut nindig mindhe ei nimbar hum dokti bikuk yok biNoni ba, inggei sut Noni ei minu ndig Yerusalem.

YESAYA 5:26

tuhan mijem mben ngkiai di ibong minu ting leu api yoni mibrim imig kwei!

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

YEREMIA 50:41

Mben di isindem gom imig jo kep nimbut kwei leu minu ting bibor ei nite bei mpia nijjai kwei su. Igya tut nibou ndig imang bibor kwei mem gima ikon pran.

YEREMIA 51:12

Jiyai bindo di bitto mem gima jicoi bijihwen minu Babel de ngug tig nya. Lene ma jibindei sindem yo di igya dikti nya bijikes yo di igya ser nya bigya ngkiem ser. Jikes tentara di ikos dik ser minu ndig dima!” tuhan bindei ba, ningon kanti di tin ei mem minu Babel pek kep tu.

YEREMIA 51:25

Minu Babel e, adem kep nungug di bindei timek dihyeisi dini hagom. Noro Da di tuhan midihwen nani. Midibrim nani bidirim na lene dibisindui sut ba, hum yem na leu api anok atriem ndung.

YEREMIA 51:58

Midibindei timek minu Babel de ngug tig di sindem bibor nya ba, sur yam kin dihyei ninjek dip ri. Dindig dimbou pmem di jei ndig krop nya hagom ningwig a. Ngkiai nya icom yahanggwap mikui-kausi he. Lewo hum miyem midyai di icom yahanggwap tut nya hagom yo. Da di tuhan Di Disindem Bibor disimbot dat tu.”