YESAYA 12:3 - ALLAH NIHYET MEM TUNGWATU NYA

³ Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

YESAYA 12:3 ပူးပေါင်းရင်းမြစ်များ

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 87:7

Yo dima ipri-pri nyen bipai doia “Sion ne mpia di nijem nok nitimieisi ri.”

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

YESAYA 41:18

Midibindei ba, minyei nya biam bidem nungug tou nya di bon njung nghousi. Minyei bousi nya mibiam ei mbang briepti nya ba, iggum ndigsi miluei nitta binok igpong hanyen bu lene minyei bousi nya mibiam kwei leu ninggati.

YESAYA 49:10

Mpe dima lene yoni inggobiau ba, inggum cem bi. Mpia di wam bibor kin iggum ndigsi di dut bibor mipijuk yok bi. Lewo Da di dingondut yok midiwin kep ingonti bidibuwak yok kep minyei bousi nya.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEHEZKIEL 47:9

Ei mpia di minyei dini biam ug eisi nya lene bikwop wau ninyeng hagom kin mindhe-ndhe hagom idigek bibor. Minyei di biam dini mibindei ba, Igpong Nsim ningei midem minyei su ningei di nyop bi. Minyei dini nibiamti bindei ba, mun nyeng hagom yai niyaijo hanyen.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.