YESAYA 11:9 - ALLAH NIHYET MEM TUNGWATU NYA

⁹ Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YESAYA 11:9 ပူးပေါင်းရင်းမြစ်များ

AYUB 5:23

Gino akkin dihyei ei miaisi lene tig nya misigi ser midyai di ayai dima bi. Mindhe-ndhe bigbehei di niten-pos cem mittem na bi.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 78:54

Noni buwak Nide limwa nya ug ei nidihyei di kwes ba, ug krau nungug him di Noni yai biyati.

YESAYA 11:13

Minu Israel ningon mikinei sut minu Yehuda bi, Minu Yehuda miba nitok bak minu Israel bu bi.

YESAYA 11:8

Mbro nok gino munggwom ngwoi gom kek-kek nyen bit wou piet lo, wou dima maham noni bi.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 30:26

Bed mmun cem micom nimig bidem kep nok mpia njap di com nimig. Mpia njap mipiga kei mbimuhwindacan bram yam binjiriek leu nipiga kepti di piga ngan-ngan tu bidem kep nipigati ei njap muhwindacan bicom yam ei nok gom pimo. Mun dini yok hagom mipek kep mem je mpe dino tuhan ngot kep Nide limwa nya ibok di itug ndei nya ba, binjei mun di kei bak yoni.

YESAYA 32:16

Minu dima mimpung tut yo di ingon gom kin nikei nikos tutti nya di sren kei.

YESAYA 33:6

Noni bindei ba, Nide limwa nya igya nddong kei. Ide ningon kiti kin nintin kimboti kin nikuk yok biNoniti miteu yok bingwes ngun.

YESAYA 35:9

Singa kin mindhe di niten-pos nya milus-lus nyen ei mpia dima bi. Noro yo di igyai gi teu leu sisar kin niyaijo nijep leu tuhan mimbut kak puig dima.

YESAYA 45:6

Diyai nok gima leu binhyepo tungwatu ei dihyei nisurti-nipekti hagom ikan tut bipia Dani ne tuhan rin ba, Dangkom ngat he rino tuhan.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YESAYA 59:19

Nide nisindemti kin ninyeng jei biborti mibindei ba, yo di ibong nite bei mpia nipriti kikau ug ei nite bei mpia nicutti yahagom mittin tut Noni. Noni misu kep yok nok minyei di ningwa sindem bibor di kui mpia tug hon hou di nimig ten bibor.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YESAYA 66:18

Dikan tut ide nikan-kan nyenti kin ide nibon munti nya. Midikwei bidinduk tungwatu nya leu ngkiai nya di ibong bidem dihyeisi dini hagom ba, ibicom yam. Tirigi idem yam ei su ne yoni mingat Ditde nisindemti bou igyai him,

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YEREMIA 31:23

tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

YEHEZKIEL 47:5

Noni nai minyei nibiamti ug ei meter sratus muhwi bu lo, minyei nibiamti jut bibor ba, bit bon disigon kan bi. Gino hi joi sut ug dihip ei nite hi lene suar ha minyei he.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

HABAKUK 2:14

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.