YESAYA 11:5 - ALLAH NIHYET MEM TUNGWATU NYA

⁵ Noni miba ningon sren-srausi kin ningon gomti bibie tut nide limwa di ninyeng tak kep yok.

YESAYA 11:5 ပူးပေါင်းရင်းမြစ်များ

EFESUS 6:14

Gima rino ma jitindei ser! Ma jiyai ningon di gom kin je nok bang di jibikri kep jintig boua. Ma jiyai jide ningon sren kin je nok sinsun pran di jijuk ser jingget a.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

KORINTUS GI NICAN 6:7

Niba nihyet di nijit-jau di nitri tut kin nisindemti di kwei leu Allah kin bindo bipia nyeni ne Allah de awak nya ri. Nikrau kep Allah ningon kanti tereu nok nikrau kep simeda. Nibihwen siceu nya ba, nibimbrap gau nyenti.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

YESAYA 25:1

tuhan e, Nani ne ditde Allah rin ba, dikon anyeng bidinggei sut anyeng cem. Lewo Ade midyai di ayai nya bindei ninggap leusi. Aba angon di gom bindei mbut angon kanti di atin ei habiei leu nimbie him kwei su ba, ug kikau.

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

PETRUS GI NIGOM 4:1

Kristus yai ninghuisi di wei nok tungwatu lene ma jeni cem jiba Kristus nikos tutti dima bindei sindem jenti. Lewo no di yai ninghuisi wei kes hon ba, priet kin sisar bu bi.

HOSEA 2:20

Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

MAZMUR 93:1

tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

MAZMUR 109:19

Nnaba nisigionti dima nggai noni noyam kin sinsun di nggai ningkekti bingot noni nok bang di bikri kep nintig bou.

YESAYA 9:7

tuhan simbot dat tut hukum di Noni mikes ei mben Israel dip tu.

YESAYA 32:1

Jingat i! Ei nidipti bu ne nibou ndig di ningon gom ninyeng mitak kep ba, yo di igya kui noni mikrau kep ningon sren-srausi.

ZAKHARIA 8:16

Gini ne nicukti di suar jiyai kep nya ri. Gino jimbrap bit yam lene ma jipai mun di igbit biyam. Ma nikei nikos tutti nya hagom sren kei ba, biyai nibong kei nigwam kei.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

MAZMUR 89:9

tuhan Allah Di Sindem Bibor e, tou risindem noyam kin Nani i? tuhan e, aba angon gomti biyai mun nyeng hagom.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.