YESAYA 11:4 - ALLAH NIHYET MEM TUNGWATU NYA

⁴ Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 11:4 ပူးပေါင်းရင်းမြစ်များ

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

MALEAKHI 4:6

Noni mibindei ba, andigpoi nya kin munggwom nya ingon kwes kin yam hanyen. Gi bi ne midijuk hwou ndam je bidibindei ba, jide minu dima hagom timek bingwig.”

AYUB 4:9

Allah ningon sibui sut yok noyam kin sigau di yem tungwatu nya bingwig.

MATIUS 5:5

Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YAKOBUS 3:13

Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya.

GALATIA 5:23

iba ibou coi mem yam cem yoom kep ingut kanti nya cem hagom. Nicukti hi cuon ser niyai munti dini bi sren.

YEREMIA 33:15

Mpe dima lene didimig tungwagom di ningon sren di ntun Daud him ei mem gima kui bigwam nok nibou ndig. Nibou ndig dima mibindei mbut ningon gomti kin niyai mun igbitti bidem minu nisurti-nipekti.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YESAYA 9:7

tuhan simbot dat tut hukum di Noni mikes ei mben Israel dip tu.

MAZMUR 2:9

Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

NINGAT-HI-NGAT NYA 2:16

Gima rino suar jittin ser jide sisar bijikiek ndam Allah. Gi bi lene jei bi midihwou ba singau simeda di ntun duhui him bikon pran bit yo dima.

NINGAT-HI-NGAT NYA 1:16

Noni krau ham mpia-bbed him ningat muhwindacan ei ninda comti kin singau simeda nipup gom di bon ninggwenti bei ninghim noho ntun nuhui him. Niimaisi piga kei dem kep mpia njap di com mem mpia huk pijum.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

YESAYA 32:1

Jingat i! Ei nidipti bu ne nibou ndig di ningon gom ninyeng mitak kep ba, yo di igya kui noni mikrau kep ningon sren-srausi.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 16:5

Leu api tungwagom di ntun Daud him mikui bigwam nok nibou ndig. Noni miba ningon ngakeisi bininyeng tak kep limwa nya ba, ningon gom tut yok cem. Noni mibrim ningkek mem gima bon mun di kei ningkom lene bindei ba, nikei nikos tutti di sren kei nya mikieng kep nide ninyeng tak kepti nisurti-nipekti.)

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KISAH 9:1

Mpe dima lene Saulus cuug yo di ibit Yesus nya kikep bimbuk tut yok lene pi bihwen yok. Noni ug ngat Imam Nibou Ndig,

MATIUS 11:5

Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

YEREMIA 5:28

immau jo yokti cem ba, mun di isuar nya hagom dem mem yok. Ibon munti di kinei bibor dima ug hon nohonti bi. Igiba ingon di gom bimbus munhyet di munggwom awak nya ide bi ba, igimbrap gau yo dino hiter ico kep yok nya tut ide munhyet cem bi.

YESAYA 3:14

Noni kiju binok nikei di yai nibou tut nibou nya di ibie tut Nide limwa nya. Noni pai kep yok “Jeni rino jipos ba anggur ningat leu miai ba anggur nghousi nya ba, jide ig mpung tut ndigban di jipos leu yo di yuhui mbum nya.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

MAZMUR 110:2

tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

MAZMUR 18:8

Apino Allah nigga biborti bindei ba, dihyei ugwa-kwei. Dihyei bingmai ba, nungug kiou nya cem lor bibingmai.

SAMUEL GI NICAN 8:15

Ninyeng tak kep mben Israel titut yam lene ba ningon di gom kin ningon di sren bibon yok cem.

YESAYA 13:11

tuhan pai “Midikes hukum ei dihyeisi dini dip drek dip nibon mun di kinei biborti. Lene dikes hukum ei yo di isibut nya dip drek dip ide sisar di ibon nya. Midicut bikwop yo di ikon yonti nya inyeng leu yok ba, midikes hukum ei yo di ingon jei nya kin yo di iten-pos nya dip.

YESAYA 14:30

Ninggum di buhun bibor mihwen je bijimai. Yo di ingwes ngun di igyaijo nya yahagom mitug ndei nimai. Noro tuhan de limwa nya di yuhui mbum bibor mitug ndei njita. Yo di isindem bi nya mibong kei migwam kei.

YESAYA 26:6

Yo di yuhui mbum kin yo di igyai niwei nya mico kep nyen minu ndig dima.”

YESAYA 30:28

Noni cuk hou bibie Noho bidem minyei di su di kui bigwam ikimam di hwen mun nyeng hagom bibindei sar ngkiai nya binggek tut ingon kanti di kinei bibor di itin ei nya hagom.

YESAYA 30:31

Tirigi mben Asyur imiap tuhan nihyet lene ingon digit bibor tut Nide hukum di buhun apino ighyet sra tut.

YESAYA 32:7

Niris kep mun cig ba ningon bisrip huk mun di mbuk bibor leu api kinyon eisi. Noni yok ningon gom tut no di nuhui mbum bibindei ba, mun di buhun cut igkep noni bibindei ba, no dima yai mun di dem mem noni bi tug hon gi ris mun ei noni dip.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

YESAYA 40:7

Tirigi tuhan kes hou di dut bicut lene minta dima mui hak ug ba, mitou cem llet. Igbit ri! Minta dima ne nye di tungwatu nya ri.

YESAYA 49:2

Noni bindei ba, dihyet tot tungwatu nya ingonti dem kep nok simeda di nggwen-gwau. Noni ku da ei nindansi binyohou da. Noni bindei ba, dinok tibor di nggwen bibor bikrau da kin Nide hampiap di tin ei su.

AYUB 15:30

Miningwes ngun leu nidinditi di dindi-kai bi. Hum miyem nide njita kioi bingwig. Noni misar tug hon ninnei di hei kwei leu Allah ninsi.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

HOSEA 6:5

Gima rino dicuk Ditde nabi nya hwou ndam je leu binhyepo itri tut dikos datti nya bije bidipai bipia jei bi ne mijitug ndei hukum bijitimek bijingwig. Diyok dingon mem mun nyeng can di kwei leu jeni ba, hacem jo nibreisi.