YESAYA 11:3 - ALLAH NIHYET MEM TUNGWATU NYA

³ Ningon millei sut gi bit tuhan nihyet. Noni mimbus tungwatu nya ingonti drek dip ingkek dip di ngat ei niyai him kin ighyet di tibim ei nitingou nsi bi.

YESAYA 11:3 ပူးပေါင်းရင်းမြစ်များ

SAMUEL GI NICAN 14:17

Diba dingon com bipia na di Andigpoi apreu ei mem dati dima micuon diyaisi ba, dingwes ngun. Lewo dikan bipia na di Andigpoi anoyam kin Allah de malaikati di kan tut bipia mun di kei ter leu mun di kinei. Dingat nadi leu binhyepo na di Andigpoi ade tuhan Allah ningat rima bit na di Andigpoi a.”

SAMUEL GI NICAN 14:8

Lene nibou ndig buhup “Angkwei hanyen hak ug lewo midiya hacan mem nani yo.”

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

AYUB 12:11

Gino nihyet tibim ei tungwagom nitingou nsi lene noni dimig nihyet di kei leu gi kinei nya. Nok gima cem tut njita di noni piei bikan lo, bihi nyop lene bihi nyop bi.

AYUB 34:3

Tungwatu nya ingat igbit njita di nyop kei kin njita di nyop bi. Ba, imiap igbit nihyet ningon di ki ei mpe di intu kep nihyet dima.

NIPINGOK NINGONTI 2:5

Tug hon nisinati dima lene angon midorti tut nittin tut tuhanti ba, ma ayai ningon di kan tut Noni.

NIPINGOK NINGONTI 2:9

Dimunggwom na e, gino abit dihyet lene angon midor niti tut mun di igbit kin ningon di sren kin ningon di gom cem. Ayai munti di suar ayai kep nya mijo nibreisi mem na.

YESAYA 33:6

Noni bindei ba, Nide limwa nya igya nddong kei. Ide ningon kiti kin nintin kimboti kin nikuk yok biNoniti miteu yok bingwes ngun.

YEHEZKIEL 45:8

Hanjop nsi dima nok nibou ndig de dihyei ninda rom. Tug hon nisinati dima ne noni mico kep Ditde limwa nya bu bi. Noni misindui sut ba, dihyei nindigsi jo hak mem mben Israel leu binhyepo ijem bou yok nok ide.

MIKHA 4:3

tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

LUKAS 2:52

Yesus wer pinjoi ndig ba, ningon di ki bikum eisi bu. Allah kin tungwatu nya ijoi sut Noni cem.

YOHANES 2:25

Noni suar tungwa hi bipai sut tungwatu nya ingonti biNoni bi lewo Nonti kan bidem tut mun di jo ei yahagom ingonti.

YOHANES 7:24

Ma jikes hon ba, jigwam nok nikei di mbus tungwatu nya ingonti bit leu ingkek dip di jo ei igyai him au. Noro ma jigwam nok nikei di ba ningon srenti bimbus ingonti.”

IBRANI 5:14

Noro yo di imahan tu igyem kep mikwau lewo ibingon ei dip nok gi dem ba, ingon ki tut mun di kei kin mun di kinei niter leu yamti.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”