YESAYA 11:2 - ALLAH NIHYET MEM TUNGWATU NYA

² tuhan ninnei micoi ug ei ningonti leu binhyepo ningon ki. Nintin kimbo cem ba, nikos tutti nya hagom mipek kep mem tungwatu nya. Noni miba ningon com Allah bikuk no ei Noho bei.

YESAYA 11:2 ပူးပေါင်းရင်းမြစ်များ

SAMUEL GI NICAN 23:3

Mben Israel ide Allah mbrap tu. No di ya srak ko hagau Israel pai bida “Nibou ndig di ninyeng tak kep limwa nya kin ningon di sren di bie tut yok ei nibit Allah nihyetti cem,

MAZMUR 72:2

leu binhyepo ninyeng tak kep Ade limwa nya kin ningon gom ba, ba ningon sren bibon yo di indwau nya cem.

NEHEI LEUSI 28:3

Ma anduk yo di inap sinsun kan nya yahagom di diyai nisindemti dima biyok kwei. Acuk yok bipia inap sinsun imam bak Harun leu api adimig noni bijo ter leu binhyepo yai midyai nok imam mem Da.

YESAYA 28:6

Noni mibindei ba, nikei nya iba ingon di sren bimbus tungwatu nya ingonti. Noni miyai nibrim ningkekti bak yo di igya ei ngug tig dip di itindei ser ide siceu nya ikweisi.

YESAYA 32:15

Noro ei nidipti bu ne Allah mikwei sut Nide nisindemti leu api iggum ndigsi miluei nitta binok beisi di nnum kei ba, njita beisi nya dimbun kei hanyen bu.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 48:16

Jikwei bijidideu Da ba, jimiap kep dihyet. Dipai brei habiei leu nipou pima kwei su lene dibindei ba, Ditde nipaisi nya pek kep bijingat bou jiyai him kikau tu.” Nogindini tuhan Allah pinak da kwei biyai Nide nisindemti bida.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

2 TIMOTIUS GI NICAN 1:7

Ninnei di Allah yai binye bindei ba, ingwes mien bi noro sindem tut nye biyai ningon ngakei yamti kin noom ningon binye.

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,