YESAYA 10:6 - ALLAH NIHYET MEM TUNGWATU NYA

⁶ Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

YESAYA 10:6 ပူးပေါင်းရင်းမြစ်များ

SAMUEL GI NICAN 22:43

Dihwen yok binem-nnai bidem kep dihyei ndung di kimba-kimba wai. Dico kep yok noyam kin gi dico kep igkrop di jo ei puigsi.

NIBOU NDIG NYA GI NICAN 18:25

Jikan bipia nikwei kon pran bit je bininggek tut jide minu dini hagom lo, tuhan hati tut nye bi e? tuhan Nonti cuk nye kwei leu binhyepo nikon pran bit je ba, nico kep jide minu dini hagom bingwig.”

YESAYA 19:17

Nihyet di kui yam bibor ei minu Yehuda rinok mun di biyai nidigit bak mben Mesir ba, bipingok kep ingonti tut tuhan Di Ninyeng Jei Bibor Nide nikos tutti di bitut yoni.

YESAYA 22:5

Ningat ne tuhan Di Ninyeng Jei Bibor ba, Sindem Bibor cem kos tut njap dini nok njap niyok nisinsiou ei tungwatuti kin niyai nidigit ei yamti bak tungwatu kin nibinggek yam nyenti cem ei Mbang Briep Ningat-hi-ngat. Siceu nya inggek ngug tig nya di bikrop ttai minu ndig dini bilus tu. Nihyet nahara biyam mem nimpu yamti gunggwei ei mbigdip nya.

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

YESAYA 32:6

No di ningkek ndok nuhui buwei ba, kos dat mun di mbuk bibor cem. Noni ba niyai munti kin nihyet binim kep Allah bikwas njita tut yo di inggum bitau ndia ngei bak yo di inggobiau bi sren.

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YESAYA 49:17

Jei bi ne yo di iwin minu ndig Yerusalem hanyen mikwei yo. Leu api yo di inggek minu ndig Yerusalem bitimek bingwig mimbut.

YESAYA 49:25

Lene tuhan buhup “Mun dima mipek kep ri. Miditeu yo di tentara ikat yok tu nya bingwes ngun. Midipos ndigban di nibou pran pos tu nya bingwig leu noni. Lewo midihwen jide siceu nya biditeu jimunggwom bat nya ba, ingwes ngun.

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YESAYA 5:29

Tentara di ide nya igyau-yau nyen bidem kep singa di sindi ttem mun di yem leu api briug binang tut ba, hi di mipas leu kan bi.

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 63:3

“Dangkom ngat dikinyon ei bak di ikimut ba anggur ngat eisi lo, Ditde limwa nya hi kwei mpu Da bi. Diba Ditde nigga biborti bico kep ngkiai nya noyam kin no di co kep ba anggur ngat apino inggrom rus Ditde sinsun hagom bingwoi-ngwau a.

YESAYA 63:6

Diba Ditde nigga biborti di cig-cai bico kep ngkiai nya ba, dibindei timek yok leu api disiber inggrom bingwig ug ei dihyeiti.”

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

YESAYA 8:8

Yoni micok tut dihyei Yehuda noyam kin minyei di su di kui sur jikimam behei biprioi mun nyeng hagom.” Allah Ningat rin bit nye! Noni kieng ninyehei gau ide minu dini binyohou nye.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

YESAYA 9:19

Tungwatu nya bidem minu dima hagom ibrim-nggok njita di igyem bigyem-yem wai. Noro igikan niyem mun di ndei inggumti bi. Gima rino ibiyem yonti imunggwom bat nya inghui cem!

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEHEZKIEL 29:20

Diba ndigban minu Mesir bibuhup bak nibou ndig pima tut mun di bon mem Da tug hon nide tentara nya lewo ningat ne igyai midyai mem Da. Da di tuhan Di Dinyeng Jei Bibor disimbot dat tu.

YEHEZKIEL 38:12

Mpe dima lene ahwen timiei di ibong ser minu ndig di nipou yo wer ig kum kroi dima yok leu lene abipos ndigban di ide nya hagom. Nipou yo ne timiei minu ndig dima yok induk yam bingkwei hanyen leu ingkiaisi lene iba yok bicom yam hanyen. Lo, tini bu ne ima ndigban kin mindhe-ndhe nimuhup tu nya mang bibor bibong ei dihyeisi dini nahacan ngatti.

YEHEZKIEL 38:13

Timiei minu Syeba kin Dedan kin nitri-nipek mun cig di ibong ei minu Spanyol nya mihig ser noni ‘Apo acuk ade tentara nya mem gima ipos ndigban cem icincau bipos mas kin perak kin mindhe-ndhe nimuhup tu nya ba, jipian gima yok hagom bijuug sut e?’ ”

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

HABAKUK 1:12

tuhan e, Nani ne Allah habiei nimbie him kwei ri. Nani ne tuhan kin ditde Allah di kwes-kwau di niyaijo ninno bijo kikau cem ri. Na di tuhan kin ditde Allah di aya srak ko hagau da cem e, adimig mben Babel ei lene abindei ba, isindem bibor leu binhyepo aba yok bikes hukum ei nyeni dip.

ZAKHARIA 10:5

Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

MATIUS 15:7

Mei! Jingon can yo! Nabi Yesaya nipaisi ndei je tu. Lewo noni pai,