YESAYA 10:3 - ALLAH NIHYET MEM TUNGWATU NYA

³ Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YESAYA 10:3 ပူးပေါင်းရင်းမြစ်များ

NITRITI 31:1

Lene Yakub miap bipia Laban nipmot bat nya ikkin kep ninghapti bipai “Yakub ris mun di noni nyeng tut nya hagom leu arig tu. Noni nyeng bibor tug hon mun di arig nyeng tut nya.”

NIBOU NDIG NYA GI NICAN 7:15

Yo dini imbut kikau ug bipek Minyei Yordan bingat lo, tentara Siria ide sinsun kin ide mun di inyeng tut nya hagom gimahap kak puig di inang kak pima. Lene ingkwei hanyen bitri tut mun di ingat bou igyai him hagom bak nibou ndig mben Israel.

AYUB 31:14

Gi bi lene notou midiya ei Allah Noho bei i? Tirigi Noni mikwei mbus dingonti lene notou midibuhup nihyet hanyen i?

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 17:4

tuhan pai “Njap ngon bou mitau lene minu Israel ninyeng jeisi mingwig hon nohonti. Lene mun nyeng hagom di nyeng tut nya mipror hak.

YESAYA 20:6

Mpe dima lene yo di ibong mukti mipai ‘Jingat mun di cut igkep mben di nyeni iba ingon com di isindem mem gima inyohou nye leu nibou ndig Asyur dima i! Ayo! Bit bon nyeni ingwes ngun kan bi.’ ”

YESAYA 26:14

Yo dima imai bihigom tu ba, ingwes mikiju hanyen bu bi. Lewo abindei yok bisar ba, aciu ser niyok ngon kep yokti leu tungwatu nya intin tu.

YESAYA 26:21

tuhan mijuk kwei leu Nide gumihyep di gwam niti ei gwamti bikes hukum ei timiei dihyeisi nya dip drek dip ide sisar. Noni mimbot kep ide niyai nimai bak tungwatu niku di jo nding leu tungwatu igyai him apino mijo ei nibreisi. Dihyei miyon kep tungwatu di igyai nimai biyok tu nya bu bi.

YESAYA 28:20

Mijidem kep no di bong ei lat cun di ibong niti apino bong sren ei niti bi. Nide ban dut cem ninyanti dem mem gima binggai no bi.

YESAYA 29:6

tuhan Di Ninyeng Jei Bibor miba hou sigau di nimig ten bibor kin ngkit di sindem bibor biteu minu ndig dima biyai ningwes ngun bak. Noni mikes hou sigau di nimig ten bibor kin hum di cig-cai kwei.

YESAYA 30:16

Leu api jiba jingon com jingon kanti nok gino jibri kuda di imbut sindem bibor leu binhyepo jingwes ngun leu jide siceu nya. Kei bibor! Ningat ne suar ma jinang! Jikan bipia jide kuda nya imbut sindem noro yo di yuhuk bram je mibri kuda di imbut sindem bibor dor njiriek jide bu.

YESAYA 30:5

timiei Yehuda nya minso yonti tut gi iba ingon com ngkiai nya di isindem mem gima impu yok bi. Lewo bit bon mben ngkiai dima igyai mun di kei biyok bimpu yok kan bi ba, ingwes pri gau yok he.”

YESAYA 30:7

Mben Mesir mimpu yok mikui-kausi. Gima rino dijem mben Mesir inyeng bipia ‘Naga Di Mimbri Kui Ningkek Bi.’ ”

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YESAYA 39:3

Leu api Nabi Yesaya ug ngat Hizkia bihig ser “Yo dima ikwei leu hantou bipai mindei bina i?” Hizkia buhup “Ikwei leu minu Babel di jo ting bibor.”

YESAYA 5:14

Minu nimai nya ide hap niji bininsi bet mem gima pinde pinjoi ndig di inyeng jei ei minu ndig Yerusalem nya bitut limwa di igyai nillei ei pestati dima yahagom.

YESAYA 5:26

tuhan mijem mben ngkiai di ibong minu ting leu api yoni mibrim imig kwei!

YEREMIA 22:7

Midipinak nibindei timek mun cig nya hwou ba, yoni mibindei timek nibou ndig minu Yehuda de ig di kei-kau-kei dima. Lene yoni mittei oi mem gima ibiwim nidihim di iba buom Libanon bibon di dia-diau nya bicom hagom ug ei humti.

YEREMIA 4:30

Je di timiei minu ndig Yerusalem e, tuhan kes je ei su ba, dem mem gima jibon mun nyeng hi bu bi! Nggon rino jijuk sinsun ngwoi bijiba mas kin perak bimau je ba, jiba celak ngwoi bidip jiyai nggrop i? Jimau jenti dima mikui-kausi he. Lewo yo di jiyem njita tut yok ikou sut je ba, ijoi sut gima igyai nimai bije.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 9:9

Suar ma dikes hukum ei mben dini yok dip bit leu ide nibon munti nya bi e? Midibuhup biyok drek dip ide nibon munti nya bi e? Da di tuhan disimbot dat tu.”

HOSEA 5:13

Mpe dino jo nibreisi mem mben Israel kin mben Yehuda bipia isindem bi lo, mun di buhun cut igkep yok ne mben Israel yuug hara nibou ndig di ninyeng jei ei minu Asyur leu binhyepo noni kwei mpu yok. Noro bit bon nibou ndig dima mpu yok biteu yok leu mun di micut igkep yok kan bi.

HOSEA 9:5

Tirigi tto bou dem mem jiba jide njap ndig binggei sut tuhan ei jingkiaisi ne bit bon jiyem pesta kep kan bi.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

AMOS 5:19

Njap dima noyam kin no di nang leu singa di huk no leu api ug um beruang bu! He noyam kin no di ngkwei hanyen ei nide ig bei bingget dring leu api wou piet ham ninda e!

MIKHA 7:4

Yo di ikei bibor kin yo di ingon sren kei di isrig ikieti cem inoyam kin nitigot-tigausi di bon ninyeng bi. Tto bou dem mem Allah kes hukum ei yo dima dip bit leu nok nihyet di Noni sok ei ide nabi nya dip bak yoni. Nogindia nisinsiou jo ei ikieti.

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

NINDAT KEP TUHAN NICUKTI NYA 28:49

tuhan mijem mben gom di jingon hukti tut ighyet bi nya kwei leu minu nohon keti mem gima ihwen jeni. Yoni midwop kwei bikam jeni noyam kin ha krubrigya.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.