YESAYA 10:12 - ALLAH NIHYET MEM TUNGWATU NYA

¹² Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”

YESAYA 10:12 ပူးပေါင်းရင်းမြစ်များ

NIBOU NDIG NYA GI NICAN 19:31

Timiei minu ndig Yerusalem kin timiei Nungug Sion nya mporo ingwes ngun ba, imai bi. tuhan kos tut mem gima mun dini yok mipek kep mem yok tu.

YEREMIA 50:18

Gima rino Da di tuhan Di Disindem Bibor di Allah Israel midikes hukum ei Nibou Ndig Nebukadnezar kin nide minu dip noyam kin gi dikes hukum ei nibou ndig minu Asyur dip.

YESAYA 65:7

drek dip ide sisar kin idigup bat-idigai bat nya ide sisar. Ibon mun kinei sut Da tug hon gi indig biei nggrai di ui-gwang kei bak ide kwar di ikuk yok bak kikau nya ei nungug tou di ide ig kwar yati nya. Midibuhup biyok bit leu ide nibon munti di ibon ei nijam gi nipou pini jug.”

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

MATIUS 12:33

“Gino jinyohou biei njem nok gi kei lene ningat di kei ntun him. Gino jinyohou biei njem nok gi kei bi lene ningat di kinei ntun him. Jikan tut biei njem nya hagom tug hon ningat di ntun him.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

YEHEZKIEL 31:14

Gima yok hagom pek kep leu binhyepo hon kep ammani kui lene biei hi mehei bijei ndig nok gima bu bi. Mbro nok gino biei hi um minyei mang-mang lo, ninggrupti kui kikau bikimbas ei bumbuhui nijunti nok gima hi bu bi. Hagom mimui noyam kin tungwatu di niyaijo kikau bi di ibicom yam bit yo di ijuk ug ei minu nimai nya ide tu.”

YEHEZKIEL 31:10

Gima rino tuhan Di Ninyeng Jei Bibor pai bije tut mun di mipek kep mem biei di kui ninno di ninggrupti kui sur bumbuhui dima. Nijeisi kum eisi bibindei ba, nikon nonti cem bikum eisi,

YESAYA 50:11

Je di jaham jimbuk kep nindigsi nya e, jingon kanti di jitin ei su mibindei sar jenti hanyen. tuhan Nonti ribindei di mun dima cut igkep je ba, mijitug ndei ninghuisi wei di buhun bibor.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 9:9

“Ig di niba tig bata biwin nya lus ningwig tu. Noro miniba tig nitu biwin hanyen bu. Siceu wim biei ara nya hagom tu. Noro miniba buom Libanon di kei bibor nya biluei hanyen bu.”

YESAYA 5:15

Bikwop tungwagom-gom mitug ndei nimmai sut nonti ba, no di kon nonti mitug ndei ninyeng di cut.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

NIPINGOK NINGONTI 30:13

Tungwatu nya bihi ikan bipia yoni ne ikei-kau-kei. Mei! Ingon jo kep ide nikei-kau-keisi!

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

MAZMUR 21:10

Noni micut igkep yok nok hum di ninjeng cig-cai bibindei sar yok. tuhan miba hum di bindei ngkiong yok bidip tut yok tug hon nigga biborti.

MAZMUR 18:27

Ando tut angon di kwes-kwau bak yo di ingon kwes nya. Noro aba nitok bak yo di isibut nya.

MAZMUR 76:5

Mbenjen! Na di Allah anyeng jei bibor ba, Ade nisieng-siausi piga kei tirigi angkwei hanyen leu nungug him di abindei timek Ade siceu nya eisi.

YESAYA 24:21

Mpe dima lene tuhan mikes hukum ei nisindemti di ingat rin ei mpia-bbed him nya kin nibou ndig dihyeisi dini nya dip.

YESAYA 27:7

tuhan mikes hukum di buhun ei Nide limwa nya dip noyam kin gi kes hukum di buhun ei ngkiai nya di iba nitok biyok dip bi. Noni miyai nimai bak Nide limwa nya noyam kin gi yai nimai bak Nide nitok nya bi.

YESAYA 29:14

Gima rino midibindei ba, idigit tut nibui yokti di bijo kikau. No di ningon ki minok no di ningon mbum ba, ide ningon tekti nya hagom bon ninyeng bi.”

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

YESAYA 37:29

Dimiap tut ade niggati kin ade nikon nantiti dima. Nogindini diba ngkimom koisi biteu ahwap jou bidiba kuk kin ngkimom nitu buhum ahui leu binhyepo dijem na ba, angkwei kak puig di ambut kak kwei pima hanyen.”

YEREMIA 25:29

Midikinyon ei nibindei timekti dima ei Ditde minu ndig bibie. Leu ma ingon kan bipia midikes hukum ei yok dip bi, Ningat ne midikes hukum ei yok dip lewo midikes pran kwei ei mben di ibong bidem dihyei njek dip dini nisurti-nipekti. Da di tuhan Di Disindem Bibor disimbot dat tu.

YEREMIA 50:32

Limwa jide di ingon jei nya mindrat mpia bicut ri. Hi di mimpu je bijikiju hanyen leu jicut eisi dima kan bi. Midindig jide minu ndig nya hagom apino mun di jo ttai nya hagom sar ningwig a.”

MBEN ISRAEL IMBUT-MBUT NYEN 24:24

Noro yo di imbuk nya mibri kibar minyei kwei leu Mios Siprus bihwen mben Asyur kin mben Heber bingwig. Leu api yo di imbuk pima yok cem mimai bitimek bingwig bu sindam bijo ninno bijo kikau.”

NINDAT KEP TUHAN NICUKTI NYA 32:27

Noro dikou sut gima ide siceu nya inggei sut yonti bikan bipia yonti rino ico kep Ditde limwa nya bingwig a.’ Lewo Da di tuhan ridibindei ba, Ditde limwa nya icut bak ide siceu nya tu.

NIPINGOK NINGONTI 21:4

Yo di isibut nya ide ninggei-nggwangti kin nillei-lausi pijuk ingonti bibindei ba, sisar ntun him.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”