YESAYA 1:9 - ALLAH NIHYET MEM TUNGWATU NYA

⁹ Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YESAYA 1:9 ပူးပေါင်းရင်းမြစ်များ

NITRITI 18:26

Lene tuhan buhup “Dwai. Gino dingat yo di ingon ngun nya ibou ningot muhwi bou diyai him lene midiluei dingonti tut minu ndig dima tut yok leu api ingwes ngun.”

NITRITI 18:32

Lene Abraham pai bu “Mbro nok gino dahap diji mbigom kin bu lo, ma angon sibui sut da au. Gino ibou simnai he ingat rin lene notou mem yo i?” Lene tuhan buhup “Dwai. Gino yo di ingon ngun ibou simnai he ingat rin lene midicok tut minu ndig dima bi.”

NITRITI 19:24

Lene tuhan kes hum kin belerang di cig-cai kros leu mpia-bbed him kep Sodom kin Gomora.

NIBOU NDIG NYA GI NIGOM 19:18

Noro midinyohou mben Israel ibou sribu muhwindacan bingwes ngun lewo ingon gom tut Da lene ikuk yok bak Baal bi ba, imei nide kwar cem bi sren.”

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

YESAYA 1:8

Minu ndig Yerusalem nongkom he rino jo a. Noro jo nok minu di tentara igyon ttai di sindem bi noyam kin ig jibei di tungwatu nya yohok ei ba anggur nghousi kin ig jibei di yohok ei miai bimen nghousi cem.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 11:16

Puig ndig di noyam kin puig di mben Israel ikak mpe di po yehei leu minu Mesir pima miningat rin mem tuhan De limwa di niken-ken nya di yehei kwei leu minu Asyur yo.

YESAYA 17:6

Mben Israel ibou poi he mingwes ngun ba, gima noyam kin biei zaitun di ipuk ningat nya bingwig leu. Noro ningat poi he di jo igbit ninggrupti nya. Da di tuhan Allah Israel disimbot dat tu.”

YESAYA 24:13

Mun dima yok hagom micut igkep dihyeisi dini titut yam bitut mben nya hagom ba, noyam kin gi pek kep ei nijam niyai ningat leu miaisi kui ig. Noyam kin mpe di ipuk biei zaitun ningat kin ba anggur ningat hagom bingwig leu miaisi nya.

YESAYA 24:6

Gima rino tuhan sigion dihyeisi dini bikes hukum ei yahagom dip. Yoni mibiang ide sisar nibuhunti. Noni bindei ngkiong yoni leu ba, poi mien he rima ingwes ngun a.

YESAYA 37:4

Nibou ndig Asyur cuk nide nibou pran gom kwei mem gima nihyet wer mpiahi tut Allah Di Niyaijo. Mpaba tuhan Allah miap nihyet di wer mpiahi di tibim ei nibou dima nuhui him bikes hukum ei dip! Gima rino ma angat nadi bak Allah mem nye di itug ndei nimai bigyo.”

YESAYA 46:3

Je di jintun Yakub him kin Ditde limwa nindigsi nya jahagom e, ma jingig jitingou mem dihyet. Dinyohou je habiei tirigi sindi jisrek kikau kwei bipek ammani kep tu.

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 65:8

tuhan pai “Tungwatu nya icom ba anggur ngat di ningei joti nya bi. Noro ipot binok ba anggur ngei bidut. Nok gima cem midibindei sar Ditde limwa nya yahagom hak bi. Lewo bihi leu yoni ikieti no yoom yonti binok awak mem Dani yo.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEREMIA 42:2

ngat da bipai “Andigpoi e, angat bou ayai him bipia nipou ne nye dini nimang noro tini bu ne nijo poi mien he. Nahara bak na di andigpoi leu binhyepo angat nadi bak tuhan Allah di akuk na bak. Angat nadi tindei nye di niken di nimang bibor bu bi dini,

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

NIBWOS-BWOS NYENTI 3:22

tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

YEHEZKIEL 14:22

Mpaba bihi ihallu leu ba, iteu imunggwom bat nya bingwes ngun bikwei ngat na lene ma ayok ayai kep yok. Gino angat ide nibon munti di kinei bibor bou ayai him ba, angon huk niti bipia cut igbit nijam di dikes hukum ei minu ndig Yerusalem dip,

YEHEZKIEL 6:8

Midisindui sut ba, ibou poi he mingwes ngun leu nimai dima leu api intek gimahap srig ngkiai nya ikieti ba,

YOEL 2:32

Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

AMOS 4:11

Dibindei ba, jibihi jitug ndei nimai noyam kin mben Sodom kin Gomora di itug ndei nimai. Yo di ingwes ngun leu jikieti nya noyam kin no di nide bat iteu leu ig di hum yem. Mbro nok gima lo, jigingkwei hanyen ndam Da bi.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

MATIUS 7:14

Noro dimbou hui di bie ug ei niyaijo kikauti kom bibor ba, puig dima cem kom bibor apino tungwatu nya gom-gom he icoi kak dimbou hui dima.”

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

ROMA 9:29

Gima cem Nabi Yesaya pai “Gino Allah di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok minu ndig Sodom kin Gomora.”

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

PETRUS GI NICAN 2:6

Nok gima cem tut Sodom kin Gomora. Allah ba hum bidip tut minu cin dima nok bindo di bindo tut mun di micut igkep yo di isibut nya.

NINGAT-HI-NGAT NYA 11:8

imai leu api ingut mijo sinsiou kak simpak ei minu ndig di ide Tuhan mai ei biei salibti nipou su. Minu ndig dima ninyeng nibiti nindati ne minu ndig Sodom kin Mesir.