YESAYA 1:7 - ALLAH NIHYET MEM TUNGWATU NYA

⁷ Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

YESAYA 1:7 ပူးပေါင်းရင်းမြစ်များ

NIBOHON MBEN ISRAEL GI NICAN 28:5

Gima rino nide tuhan Allah sindui sut ba, nibou ndig mben Siria bindei timek Ahas drek dip nide sisar. Lene bikat timiei Yehuda nya imang bibor bikri yok ug ei Damsyik ba, inok awak ei ingkiaisi. tuhan sindui sut ba, Nibou Ndig Pekah di Remalya nipmot leu mben Israel cem bindei timek Ahas de limwa nya biyai nimai bak tentara timiei Yehuda nya di mimbri kui ingkek nya ibou sribu sratus gom ningot can mem njap gom ngat he. Idigup bat-idigai bat nya ide tuhan Allah sindui sut mun di buhun dima yok hagom bicut igkep yok lewo timiei Yehuda nya igibit tuhan Nihyet bu bi.

MAZMUR 107:34

Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

MAZMUR 107:39

Tirigi yo di isibut bibor nya ihwen tuhan de limwa nya bitimek lene imangti wer ndig bi bitug ndei mun di buhun tak yok ne,

MAZMUR 109:11

Nnaba no di kwei kus nide ningwam di jo bak dima pos no dima nide ndigban di nyeng tut nya hagom hak ug ba, tungwatu nya icat nide mun di com nahanggwap tut nya hagom bingwig ug.

YESAYA 1:8

Minu ndig Yerusalem nongkom he rino jo a. Noro jo nok minu di tentara igyon ttai di sindem bi noyam kin ig jibei di tungwatu nya yohok ei ba anggur nghousi kin ig jibei di yohok ei miai bimen nghousi cem.

YESAYA 3:8

Ningat ne minu ndig Yerusalem cut bitimek tu! Minu Yehuda lus tu! Ighyet kin ibon munti nya hagom hwen bit tuhan bisrep huk Nide nisindemti cem.

YESAYA 34:9

Minyei nya di biam ei minu Edom miluei nitta bidem aspal ngei ba, idihyei wer belerang. Apino minu Edom titut yam njeng bidem aspal ngei di njenga.

YESAYA 49:19

Ade minu di nipou timek bingwig binok mpia nintiti pima lene nogindini bu kom bibor ba, nok gi dem mem yo di ibong kei igwam kei eisi bi. Ba, yo di inggek na ba, atimek bingwig mingkwei hanyen ug ei minu ting bihigom.

YESAYA 5:17

Kambir mien kin domba mien nya igyem abris meng ei ig kumti bidem minu ndig dima hagom ba, njita dima midem mem yok.

YESAYA 5:9

Dimiap tuhan Di Sindem Bibor di heng tut “Ig ndig ngat di kei-kau dini hagom mingwak ba, tungwatu nya igibong ser bi.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

YESAYA 62:8

tuhan ba neheng bipreu ei mem yok. Noni miba Nide nisindemti biyai mun dima bipek kep. Noni pai “Midiyai jide gandum bak siceu nya ba, ngkiai nya midut ba anggur ngei di jicom jimuhup tut cem bu bi.

YESAYA 64:10

Ade minu ndig di kwes-kwau nya hagom kinei su binok ig kum kroisi tu ba, minu ndig Yerusalem lus bitimek tu.

YESAYA 9:18

tuhan Di Sindem Bibor gga bibor ba, Nide hukum dem kep nok hum di cig-cai ba, Nide limwa nya rinok war nggig-nggwen di hum yem ningwig a. Hi di ngondut nide adig-ajoi bi.

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

YEREMIA 6:8

Je di timiei minu ndig Yerusalem e, suar jimiap kep mun di buhun bibor dima yok hagom nok mun di bisok kep je! Leu ma dikes jeni ei ba, dibindei minu ndig jide binok iggum ndigsi leu ba, hi di mibong ser bu bi.”

YEREMIA 7:34

Jide minu dini miluei nitta binok mpia ngoisi. Midibindei ba, yo di ingon llei bibor nya ighyet kin yo di ibit pesta niwak yamti nya ighyet hagom ntus ningwig ei minu mien Yehuda lene bidem simpak bou nya ei minu ndig Yerusalem cem.

NIBWOS-BWOS NYENTI 5:2

Nyende ndigban ninda rom cut ug ei yo di hiter indati ba, ngkiai nya ibong ser nyende ig nya cem o!

YEHEZKIEL 25:4

Gima rino disindui sut yok di keret di ibong ei iggum ndigsi ei nite bei mpia nipriti ibindei timek yok ug a. Keret dima miyohok ide prak meng yati nya ei minu Amon bibong timiei eisi. Yoni migyem timiei Amon ide biei ngat nya ba, midut ide mindhe-ndhe nimuhup tu nya ido ngei.

YEHEZKIEL 30:12

Midibindei pingge Minyei Pmem Nil leu api midikes mben Mesir yahagom ei yo di isibut nya indati. Ngkiai nya migya kep minu dima titut yam bisar. Da di tuhan disimbot dat tu.”

HOSEA 7:9

Ingon guhuk niti tut ide nisindemti di cut leu yok drek dip ide niyok ningon mem ngkiai di ibong ttai yok dima bi sren. Apino ide niyaijo ningwig honti dideu su lo, igikan tut bi sren.

HOSEA 8:7

Tirigi Ditde limwa nya igimahap ningan hou he ne yoni mipuk ningat hou sigau ri! Ide miai gandum len bi. Ba, gima bindei ba, igyai tepun mem ide njita cem bi. Noro tirigi miai dima len leu api ngkiai nya mikwei yem tepun dima bingwig leu yok.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

IMAM NYA IDE MIDYAI 26:34

Mpe di jibong ei jingkiaisi ei mpia di dicom je ug eisi leu lene bohou micom jide dihyei nisurti-nipekti. Nipek kepti dima mibon nituti mem dihyei dima bong hak kep ninghuisi.

MIKHA 5:11

Midibindei ba, jide seig ut nya cem timek bingwig leu api midijji jide nung nya ningwig leu je.

MIKHA 6:13

Gima rino dikinyon ei gi dibui je bidibindei ba, jitimek bijingwig drek dip jide sisar.

NINDAT KEP TUHAN NICUKTI NYA 28:33

Ngkiai nya mikwei mbrai jide njita ngat di jicom jahanggwap tut bibor nya lene jenti mijitug ndei mun nyeng hi bi. Gi jitug ndei rino nico kep je ninghig-niker kin niba nisibut biyai je cem.

NINDAT KEP TUHAN NICUKTI NYA 28:43

Ngkiai di ibong ei jitimieisi inyeng mikui bibor noro jinyeng micut nimo jug.

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.