YESAYA 1:5 - ALLAH NIHYET MEM TUNGWATU NYA

⁵ Nggon rino jaham jimbuk kep Noni ninno tu i? Jijoi sut gima tuhan ba hukum di buhun bibor hi kin bu bihwen je e? Jibou bok-ba lene jingon kinei ba, jibou buwei cem tu.

YESAYA 1:5 ပူးပေါင်းရင်းမြစ်များ

NIBOU NDIG NYA GI NICAN 1:13

Leu api nibou ndig cuk nibou tentara gom kin bu leu binhyepo ya tut nide tentara ibou ningot muhwi biyuug bu. Nibou tentara dima kui ba, ug krau mbigdip pima lene ba nibiau bicom mpia ei Elia noho bei bahara mem “Na di Allah de awak e, ma akos ser nyende mun di kinei o! Angondut da kin ditde tentara di ibit da dini nahagom o! Ma ayai nimai binyeni au!

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

NEHEMIA 9:34

Nyeni nidigup bat-nidigai bat nya kin nibou ndig nya kin yo di inyeng jei nya kin imam nya yahagom ipwoi angon bitut acuk nyeti nya bi. Yahagom itingou ndok ser Ade nicuk nyeti nya kin Ade nisok kep nyeti nya.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YESAYA 33:24

Mpe dima lene tungwa hi minso tut ninggwen di hwen noni bu bi. Ba, tuhan mikos ser sisar hagom.

YESAYA 9:13

Gima rino tuhan kes hukum ei nibou mben Israel bitut ide limwa nya yahagom dip mem njap gom ngat he. Noni kwam minu Israel bicom nibou kin nipu ei.

YEREMIA 13:23

Bon no di ningkek rom luei ningkek bitiei kei kan e? Bon macan kes ninta nibahai ei leu no kan e? Ningat ne hi nok gima bigyo sren. Nok gima cem tut je di jibon kep mun di kinei. Bit bon jibon mun di kei kan bi.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 44:15

Mpe dima lene imang bibor ikwei ngat da. Yo dima ne pinai ngot di ikan lo, itnem bat nya ibon midut nindig mindhe-ndhe ei humti ba, ibikuk yok bak kwar nya kin sop di igya nyen ei sirima bitut limwa mben Israel di ibong ei Patros ndam minu Mesir nibiho ri. Yahagom ipai bida,

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEREMIA 9:3

Itindei kep nituti mem gima iris mun bijo kikau. Mun di nijit ninyeng tak kep minu titut yam bi. Noro ningon sren bisi kieng kep minu nisurti-nipekti. tuhan pai “Ditde limwa nya ibon mun di kinei bibor bijo-jo yam dip. Ikon Dani bidinok ide Allah cem bi.”

NIBWOS-BWOS NYENTI 5:17

Ningon kinei-kinau bibor lene nipim kikau ba, niyai mmui drek dip,

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.