YESAYA 1:4 - ALLAH NIHYET MEM TUNGWATU NYA

⁴ Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 1:4 ပူးပေါင်းရင်းမြစ်များ

NITRITI 13:13

Mpe dima lene timiei minu ndig Sodom nya imbuk bibor ba, ibon sisar tut tuhan.

NIBOU NDIG NYA GI NICAN 21:22

Niyai munti dem igbit tuhan ningon kanti bi. Noro ba nghim bak tuhan Allah di nidigup bat-nidigai bat nya ikuk yok bak.

NIBOHON MBEN ISRAEL GI NICAN 12:1

Tirigi Rehabeam kui bigwam nok nibou ndig ba, sindem tu lene noni kin nide limwa nya yahagom iba igyai ngat tuhan nicukti nya lene,

NIBOHON MBEN ISRAEL GI NICAN 27:2

Yotam pwoi tuhan ningon noyam kin nicig Uzia cem. Noro noni coi ug ei tuhan De Ig bindig biei nggrai di ui-gwang kei eisi bi sren. Mbro nok gima lo, nide limwa nya ibon kep sisar kikau.

NEHEMIA 1:7

Naham nimbuk kep Na di tuhan binibit ahyet bi cem. Nibit niggai serti di ayai binye tug hon Ade awak Musa pima bi.

MAZMUR 58:3

E bi! Jipwoi mun di kinei ei jingonti ba, jiba jiten biyai jiyai munti nya ei minu dini.

MAZMUR 71:22

Allah e, midiba nggong bikon anyeng lewo angon gom kikau. Israel de Allah di kwes-kwau e, midiba nggong mbrei bikon anyenga.

MAZMUR 78:40

Ikiek imig jou tut Noni ninno ba, ibiyai ningon di sibui sut yok ei mpe di ingat rin ei iggum ndigsi.

MAZMUR 78:41

Ibingon kep Allah ningonti nyen-nyen ba, ibiyai ningon di buhun bak Israel de Allah Di Kwes-Kwau cem.

MAZMUR 78:57

Yaham imbuk kep Allah noyam kin idigup bat-idigai bat nya. Noni ba ningon com yok bi lewo idem kep tibor di koi-ka.

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

MAZMUR 89:18

Abindei ba, nihwen nyende siceu nya bitimek bingwig. Nico kep nyende nitok joti nya tug hon asingat tut nyeti.

NEHEI LEUSI 32:7

Lene tuhan pai bak Musa “Abipbur ba, ajuk hanyen ndam ade limwa di abuwak yok kwei leu minu Mesir ug lewo icut ei sisarti ba, ingon mpo tut Da tu.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 1:28

Noro Noni micok tut yo di ibon sisar kin yo di ikiek imig jou tut Noni biyai nimai bak yo di ikes Noni bihigom ei yahagom.

YESAYA 10:6

Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 14:20

Abindei sar ade minu ba, abiyai nimai bak ade limwa nya tu. Gima rino igitig nani noyam kin gi itig nibou ndig hiter nya bi a. Ade bat nya di ibon mun di kinei bibor dima hi ningwes ngun bi.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 3:8

Ningat ne minu ndig Yerusalem cut bitimek tu! Minu Yehuda lus tu! Ighyet kin ibon munti nya hagom hwen bit tuhan bisrep huk Nide nisindemti cem.

YESAYA 30:1

tuhan pai “Mun di buhun bibor micut igkep yo di inyeng tak kep timiei Yehuda nya lewo yaham imbuk kep Da. Ibit ingon kanti nya di noyam kin dingon kanti mem yok bi. Yoni kin ngkiai nya ipreu kep yam njiriek dingon kanti mem yok. Tug hon nisinati dima ne ikum ei ide sisar nimangti.

YESAYA 30:15

tuhan di nok mben Israel ide Allah Di Ninyeng Jei Bibor di kwes-kwau pai bak nide limwa nya “Ma jittin ser jide sisar ba, jiba jibou coi mem Da leu api miditeu je leu sisar. Ma jiba jingon di jo nyahan bicom Da leu api midibindei ba, jisindem bibor.” Noro jikou sut nihyet dima!

YESAYA 30:9

Yoni ne mben di yaham imbuk kep Allah. Ingon mang ba, ikou sut gi imiap kep nipingok yokti cem kikau ri.

YESAYA 31:2

tuhan ningon ki bikan bidem tut niyai munti nya hagom. Noni bindei ba, mun di buhun bibor cut igkep dihyeisi dini. Noni mikes hukum ei yo di isibut kin isut bat di impu yok nya dip bit leu nipaisi.

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 41:16

Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

YESAYA 41:20

Mpe dino tungwatu nya ingat gini bou igyai him ne mijo nibreisi mem yok bipia Da di tuhan dipai tes hagom. Ingon dor niti leu api igyok ngon kep bipia mben Israel ide Allah Di Kwes-Kwau bibon mun dima yok hagom.”

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YESAYA 57:17

Ide sisar nidrui bou ngwakti ribindei dino digga yok a. Gima rino dikes hukum ei yok dip leu api dibikes yok ei cem. Noro ingkek ndok ba, imbus ide puig bit leu yonti ingon kanti.

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”

YESAYA 65:11

Noro mun dima mipek kep mem yo di iba inghim biDa kin yo di iba igyai ngat Ditde nungug Sion di kwes-kwau kin yo di ipwoi mun di ibikuk yo bak kwar Gad Meni nya di bindei di itug ndei mun di kei ba, bindo mun di pek kep mem igyaijoti cem biyok bi.

YESAYA 65:3

Yoni ibindei bidingon sibui sut yok kikau noro immai sut yonti bi. Ibon midut nikuk no bak kwar nya ba, indig biei nggrai di ui-gwang kei bak ei ide nimbar hum dokti bidem ide miaisi nya.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

YEREMIA 15:6

Jikou sut Da bijikiek jinghim bak Dani tu. Gima rino dikon dinda bidihwen je leu api mijisar lewo bit bon doom dingon tut je bu kan bi.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 2:33

Jingon ki tut gi jiba nikrar binggok puig mem yo di ingon pri kep je. Jiyai munti di kinei dima bibrim sop sundal nya ingonti!

YEREMIA 2:5

Noni pai, “Jidigup bat-jidigai bat nya ingat Ditde mun di diyai tunggwei hi di bindei dino yaham imbuk kep Da nya rimindei ngan i? Ikuk yok bak kwar di bon ninyeng bi di bindei ba, yonti cem ibon inyeng bi.

YEREMIA 32:32

drek dip mun di kinei ngot di timiei Yehuda kin minu ndig Yerusalem nya bitut ide nibou ndig nya kin nibou di igya kui yok kin imam nya kin nabi nya ibon tunggwei nya.

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEREMIA 51:5

Mbro nok gino mben Israel ibon sisar tut Da tu lo, Da di tuhan Di Disindem Bibor cem Di Kwes Bibor bidinok mben Israel ide Allah cem midikes mben Israel kin timiei Yehuda nya ei bi.

YEREMIA 7:19

Noro ibindei ba, dingon buhun bi. Ibindei ba, yonti ingon buhun apino ibimmai sut yonti.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEHEZKIEL 14:5

Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

YEHEZKIEL 16:33

Pinai di icut tut sop mmun nya iba mitiei bigo yok. Noro ayai nok gima bi. Nani rino akwas mun di kei tut pinai nya di abou buwei kep yok. Aba mitiei bihwen ingon leu binhyepo ikwei leu nima kwei-nima kwei bicut tut na.

YEHEZKIEL 16:45

Ningat ne apmem nipmisop rino nani. Ningon kinei sut nonti nijjep kin nimunggwom bat nya. Adat ade adig-ajoi nisop nya di ingon kinei sut ijjep bat nya kin imunggwom bat nyati. Nani kin ade adig-ajoi di inok minu ndig di jo ttai na nya ipmem rino mben Het lene icig rino mben Amori.

DANIEL 9:11

Mben Israel yahagom ipigau Ade niggai serti nya ba, itingou ndok ser ahyet. Nibon sisar tut Na apino ambriom nye bit leu nok Ade awak di Musa pas tut ei nide niggai serti nya.

ZEFANYA 1:6

Midibindei sar yo di ikuk yok biDa bi nya kin yo di yahara Da leu binhyepo dibie tut yok bi nya kin yo di iba inghim biDa kin yo di ikou sut gi ibit dihyet yahagom.”

MBEN ISRAEL IMBUT-MBUT NYEN 32:14

Lene nogindini jeni cem jingkek nddok nok jicig bat nya! Jeni ne nimpung nibon sisar rin ba, jibinduk tuhan nigga biborti kep mben Israel hanyen bu!

MATIUS 11:28

Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

MATIUS 23:33

Jinok wou nya bijintun wou piet nya him! Notou jingwes ngun leu hukum di micut igkep je ei hum njengti i?

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

NINDAT KEP TUHAN NICUKTI NYA 29:25

Lene nibuhupti pai nok gini ‘Lewo yoni ipigau idigup bat-idigai bat nya ide tuhan Allah de gi preu di Noni bon bit yoni mpe di Noni buwak yok kwei leu minu Mesir.

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

NINDAT KEP TUHAN NICUKTI NYA 32:19

Tirigi tuhan ngat gini hagom tu lene ningon sibui sut yok leu api ba ningha bak imunggwom bat nya.

NINDAT KEP TUHAN NICUKTI NYA 32:5

Noro jingon gom tut Noni ba, dem mem Noni hig je nok Nide limwa nya bi. Lewo jinok mben di ibon sisar di kinei bibor ba, iris mun cem.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

NINGAT-HI-NGAT NYA 18:5

Lewo noni kum ei nide sisarti bikui sur mpia-bbed him. Allah kan kep nide sisar di nindig bibor.

NIJAM NIKEI NYA 10:10

Leu api yahara tuhan bipai “Nyende tuhan Allah e, nibon sisar tut Nani tu. Lewo niba ninghim bak ahyet ba, nikuk nye bak kwar Baal nya tu.”